Finea Solutions

Clicks by Waqas Siddique Samma

جب آپ بچے کو چلنا سکھا رہے ہوتے ہیں تو اسے ایک جگہ کھڑا کردیتے ہیں
اور آپ تھوڑے سے فاصلے پر خود جا کر بیٹھ جاتے ہیں
بچہ اس وقت بہت ڈر رہا ہوتا ہے۔
خود کو تنہا محسوس کر رہا ہوتا ہے
پریشانی محسوس کر رہا ہوتا ہے
وہ جلد از جلد اپ تک پہنچنے کی کوشش کرتا ہے
اور آپ کی گود تک پہنچتے ہی آپ کی بانہوں میں سما جاتا ہے۔
اور آپ کو بھی یہ بات معلوم ہوتی ہے کہ اگر بچے کو اس مرحلہ سے نہ گزارا جائے تو بچہ کبھی چلنا نہ سیکھ سکے۔
کبھی ایسا بھی ہوتا ہے کہ بچہ راستے میں ڈگمگا جاتا ہے اور گرنے کے قریب ہوجاتا ہے
لیکن مستقل توجہ کی وجہ سے وہ گِر نہیں پاتا بلکہ آپ فورا اسے سنبھال لیتے ہیں اور دوبارہ کھڑا کردیتے ہیں۔
بالکل اسی طرح جب اللہ کسی بندے کو اپنا دوست بنانا چاہ رہے ہوتے ہیں
تو اسے پریشانی میں مبتلا کردیتے ہیں۔
وہ پریشان ہوکر اپنے معبود حقیقی کی طرف لوٹتا ہے۔
جو کہ مستقل اسکی طرف متوجہ ہوتا ہے۔
راستے میں کئی مواقع ایسے بھی آتے ہیں جب بندہ اپنے آپ کو تنہا محسوس کر رہا ہوتا ہے
لیکن درحقیقت وہ تنہا نہیں ہوتا
بلکہ اللہ کی تربیت میں ہوتا ہے۔
تو بھول جایئے اس بات کو کہ آپ اللہ کی طرف بڑھنے کی کوشش میں گرنے لگیں اور اللہ آپ کو نہ سنبھالے۔
کیونکہ حدیث کے مطابق جب انسان اللہ کی طرف متوجہ ہوتا ہے اور اس کی طرف قدم بڑھاتا ہے تو اللہ اسکی طرف دوگنا متوجہ ہوتے ہیں۔
تحریر:
قاضی محمد حارث

Become Certified Financial Accountant