Irfan Aryan11

د هند د بهرنیو چارو وزارت ویاند، راندهیر جایسوال وايي، نوې ډیلي هڅه کوي چې له افغانستان سره سفارتي اړیکې پیاوړې او لا لوړې کچې ته ورسوي.

د افغانستان لپاره د پاکستان پخوانی ځانګړی استازی، اصف درانی وايي، د اسلام‌اباد او کابل تر منځ د اوسني بن‌بست د حل غوره لار دا ده چې خبرې اترې دوام ومومي، حتی که ۳۰ پړاوونه هم وي.

دراني په خپل اېکس‌پاڼه لیکلي، که داسې ونه شي، «کنه نو دښمنان به ګټه واخلي. ګاونډیان باید هیڅکله خبرې اترې رد نه‌کړي، دا د تاریخ درس دی.»

د لوګر امنیه قومندانۍ ویاند، احمدالله انس سیمه ییزو سرچینو ته وویل، په دې ولایت کې د یوې ۶۰ کلنې ښځې او ۱۲ کلنې نجلې وژوونکي نیول شوي دي.
انس وايي، بریدګرو لومړی دغه کسان بې هوښه او بیا په تبر وژلي وو.
د هغه په وینا، بریدګرو له همدې کوره نږدې ۲۰۰زره افغانۍ او ۴زره امریکايي ډالر هم غلا کړي دي.

د ښاغلي انس په خبره، نیول شويو کسانو په خپلو جرمونو اعتراف کړی دی.