Just Exploring

عید کے ان تین دنوں میں ورسک علاقے کو مسلسل بجلی فراہم کی جا رہی ہے، اور اس دوران نہ کوئی فیڈر اوورلوڈ ہوا، نہ سسٹم ٹرپ ہوا اور نہ ہی کوئی بڑا مسئلہ سامنے آیا، جس سے یہ بات واضح ہو گئی کہ اگر متعلقہ ادارے چاہیں تو ورسک کو مستقل بنیادوں پر بجلی دینا بالکل ممکن ہے۔ افسوس کی بات یہ ہے کہ ورسک ڈیم سے پیدا ہونے والی بجلی ملک کے کئی بڑے شہروں اور مختلف علاقوں تک پہنچائی جاتی ہے، مگر خود ورسک کے عوام آج بھی شدید لوڈشیڈنگ کا شکار ہیں۔ حالانکہ علاقے کی بہت سی فیکٹریاں اور انڈسٹریز اب سولر سسٹم پر منتقل ہو چکی ہیں، اس لیے اب علاقے کو بہتر اور مسلسل بجلی فراہم کرنا پہلے سے کہیں زیادہ ممکن ہے

آج ایک چھوٹے سے سادہ ہوٹل میں لوبیا کھانے کا اتفاق ہوا۔
نہ کوئی فائیو اسٹار ماحول…
نہ مہنگی کراکری…
نہ لمبی لمبی ڈشوں کے نام…

بس ایک سادہ سا سالن، ساتھ کٹے ہوئے ٹماٹر، پیاز، ہری مرچ اور اوپر ہلکا سا نمک… ❤️

لیکن یقین کریں، جو مزہ اس کھانے میں آیا، وہ بڑے بڑے مہنگے ہوٹلوں میں بھی نہیں ملا۔
اور حیرت کی بات یہ ہے کہ مکمل کھانے کے صرف 200 روپے لیے گئے۔

ہم اکثر بڑے ہوٹلوں کی چمک دمک دیکھ کر وہاں کھانا کھاتے ہیں، ہزاروں روپے خرچ کرتے ہیں، بھاری ٹیکس دیتے ہیں، مگر نہ یہ معلوم ہوتا ہے کہ گوشت کہاں سے آیا، نہ سبزیاں کتنی تازہ ہیں۔

جبکہ چھوٹے ہوٹل، دیسی ڈھابے اور سادہ لوگ خلوص کے ساتھ صاف ستھرا اور گھر جیسا کھانا پیش کرتے ہیں۔
وہاں دکھاوا کم، محبت زیادہ ہوتی ہے۔ ❤️

میرا ماننا ہے کہ ہمیں ایسے چھوٹے کاروبار کرنے والوں کو سپورٹ کرنا چاہیے۔
کیونکہ اصل ذائقہ مہنگی پلیٹوں میں نہیں، خلوص میں ہوتا ہے۔ 🌸