Jabar Sahil
Share
News & Self Ideas
د ا.ا ویاند ذبیحالله مجـ. اهد په خپله اېکس پاڼه د خواخوږۍ پیغام په خپرولو لیکلي، ا.ا د خپلو هېوادوالو په مالي او ځاني زیان سخت خواشینی دی او اغېزمنو ته د اړتیا وړ مرستو په برابرولو بوخت دی.
تېره شپه شاوخوا یوه بجه د شمال په بلخ، سمنګان، کندز، تخار، بدخشان او بغلان ولایتونو کې دريښتر په کچه شپږ اعشاریه درې درجې زلزلې د یادو ولایتونو اوسېدونکو ته د سر او مال درانده زیانونه واړول.
باوري سرچېنو ویلي، ترکیه کې د پاکستان او افغانستان پلاوو ترمنځ خبرې له درېیو ورځو بحثونو وروسته بې پایلې پای ته ورسېدې.
سرچینې ویلي، خبرو کې پاکستاني پلاوي له مذاکراتو سره هېڅ ډول بلدیت نه درلود، بې منطقه خبرو سربېره به یې د خبرو جریان کې سپک چلند او بده ژبه کاروله.
د سرچینې په خبره، د پاکستاني پلاوي کرکټر او وضعیت د منځګړو «قطري او ترکي» استازي هم حیران کړل.
د پاکستان دې چلند ته په غبرګون منځګړو افغان پلاوي ته دا هم ویلي، چې افغانان بد ګاونډي سره مخ دي
پاکستان کې د تحریک لبیک ګوند له لوري پيل شوی لاریون په تاوتریخوالی اوښتی او پولیسو پر لاریون کوونکو مخامخ ډزې کړي او زغروال ګاډي یې پرې خیژولي.
د تحریک لبیک زرګونو پلویانو له لاهور ښار څخه اسلام اباد ته په دې موخه حرکت پيل کړ چې د فلسطین په ملاتړ اسلام اباد کې د امریکا سفارت مخې ته راټول شي خو پولیسو یې مخه ونیوه.
د تحریک لبیک له لوري د ورکړل شویو مالوماتو له مخې پولیسو سره نښتو کې له ۲۸۰ زیات کسان وژل شوي، ۱۹۰۰ نور ټپيان، ۷۰ کسان د زغروال ګاډو لاندې شوي او ۱۲ کسان جسدونو ته اور ورکړل شوی دی.
د تازه مالوماتو له مخې دا مهال له لاهور سربیره د پنجاب په شیخه پوره، ننکانه، وهاړي، قصور او د پنجاب په ګڼو نورو ولسوالیو کې د تحریک لبیک پلویانو اعتراضات پیل کړي دي.
