Mega Shqip

Një alarm për mbytje mobilizoi për rreth tre orë forcat e kërkim-shpëtimit në Shëngjin, pasi familjarët humbën kontaktet me një pushues nga Kosova dhe dyshuan se ai ishte zhdukur në det. Pas operacionit të kërkimit, burri u gjet shëndoshë e mirë në një kafene pranë bregdetit, duke i dhënë fund alarmit që kishte angazhuar autoritetet.

Kryeministri Edi Rama ka kaluar në një tjetër nivel përballjeje me protestuesit.

Në vend që t’u përgjigjet kërkesave për transparencë, llogari dhe përgjegjësi, ai ka zgjedhur të publikojë foton dhe një listë procedimesh të pretenduara ndaj një qytetari të lidhur me protestën.

Por ky sulm i kthehet në boomerang vetë pushtetit.

Sepse nëse këto pretendime janë të vërteta dhe ky person është sot i lirë, atëherë pyetja nuk është vetëm për protestuesin.

Pyetja është: ku ka qenë shteti?

Ku kanë qenë policia, prokuroria, gjykatat dhe institucionet që duhet të veprojnë sipas ligjit, jo sipas postimeve të kryeministrit?

Dhe nëse këto të dhëna po përdoren tani vetëm sepse qytetari është pjesë e protestës, atëherë mesazhi është edhe më i rëndë: pushteti po përdor informacion personal për të trembur sheshin.

“I proceduar” nuk do të thotë “i dënuar”.

Dhe asnjë qytetari nuk mund t’i hiqet e drejta për të protestuar vetëm sepse kryeministri vendos ta linçojë publikisht.

Ky nuk është debat politik. Është mesazh frikësimi për çdo qytetar: “ne të njohim, të nxjerrim, të godasim”.

Por kjo tregon pikërisht pse shqiptarët janë në shesh. Sepse kur shteti përdoret për të trembur qytetarët, problemi nuk është protesta.

Problemi është pushteti.