SSEDE LAB NGO

Սուրբ Ծնունդը հրաշքների և սիրո ժամանակ է! Թող այս տոնը լցնի ձեր սրտերը ջերմությամբ, ուրախությամբ և երջանկությամբ: Մաղթում ենք ձեզ անմոռանալի պահեր գալիք տարում: Շնորհավոր Ամանոր և Սուրբ Ծնունդ! ✨🎄 #ՍուրբԾնունդ #Տոներ #Ուրախություն #Սեր

Շնորհակալություն մեր գործընկերոջը՝ Ֆոտո Ծառայություններ Թալինում, գեղեցիկ անակնկալի համար💚

🌟 Կամավորների Օրը և Գյումրու Հուշերը.

Օրեր առաջ մեր թիմով նշում էինք Կամավորների Միջազգային Օրը և այդ առիթով գնացել էինք հիանալի ու յուրահատուկ քաղաք Գյումրի։ 🚌

Այցելեցինք թանգարաններ, վայելեցինք քաղաքի մշակույթը և ունեցանք ակտիվ, ջերմ ժամանց։ Մեզ համար չափազանց կարևոր է ոչ միայն աշխատանքային գործընթացը, այլև մեր թիմի՝ հատկապես մեր կամավորների բարձր տրամադրությունն ու ցանկությունները։

💪 Կամավորներն իրականում կազմակերպությունների սյուներն են։ Նրանք են ստեղծում մարտահրավերներին դիմակայող, նորարար և համայնքային լուծումներ առաջարկող միջավայր։

Մենք ցանկանում ենք, որ յուրաքանչյուր կամավոր լիարժեք զգա իրեն այն կազմակերպություններում, որտեղ իրականացնում է իր նվիրական աշխատանքը։

Միավորող Հանդիպումներ.
Ժամանակ առ ժամանակ մենք կազմակերպում ենք հատուկ հանդիպումներ մեր կամավորների հետ, որոնք ստեղծում են ջերմ մթնոլորտ միմյանց հետ հարաբերակցվելու, մտերմանալու և կարծիքներ փոխանակելու համար։

💡 Կամավորական Աշխատանքի Ճիշտ Ընկալումը
Ցավոք, մեր օրերում կամավորական աշխատանքը երբեմն թերարժևորվում է կամ դիտվում որպես պարզապես «անվճար աշխատուժ»։ Մենք կարևորում ենք այս երևույթի ճիշտ ընկալումը։

Կամավորությունը դա՝
Նվիրում է հանուն ընդհանուր բարիքի։
Հմտությունների ձեռքբերում է և ինքնազարգացում։
Համայնքային ազդեցություն ունենալու ուղի է։
Մարդկային և մասնագիտական կապեր հաստատելու հնարավորություն է։

Մենք գնահատում ենք ոչ թե միայն կատարված աշխատանքի ծավալը, այլև կամավորի ներդրած ժամանակը, էներգիան և հոգին։

Շնորհակալություն ենք հայտնում մեր բոլոր կամավորներին իրենց անգնահատելի ներդրման համար։ Ձեր նվիրումը մեզ համար ուժի աղբյուր է։

✨ Իմփաքթ հանդիպումներ. Միացի՛ր աճող համայնքին։
Մեծ ոգևորությամբ ու սիրով շարունակում ենք մեր Իմփաքթ հանդիպումների շարքը: 🤩 Մեր երիտասարդները մեծագույն հետաքրքրությամբ են հաճախում այս հանդիպումներին՝ դարձնելով մեր համայնքը օրեցօր ավելի մեծ ու ամուր։

📈 Աճի մասին.

Երբ մենք մեկնարկեցինք նոյեմբերին, մեր ակումբն ուներ 16-18 մասնակից։ Իսկ այսօր ուրախությամբ փաստում ենք, որ մեր անդամների թիվը հասնում է 30-ի։ Մասնակիցների այս ակտիվ ներգրավվածությունն ու ցանկությունը մեզ համար ամենակարևոր ցուցանիշն է:

👉 Մեր նոր նպատակը.

Հաշվի առնելով մասնակիցների մշտապես աճող հոսքը, մենք նպատակ ենք դրել ստեղծելու 2-րդ Իմփաքթ ակումբը։ Սա ևս մեկ հնարավորություն է՝ ավելի շատ երիտասարդների ներգրավելու և ոգեշնչելու համար։

📚 Գիտելիք և Ներգրավվածություն
Իմփաքթ հանդիպումների ընթացքում մասնակիցները պատկերացրել են Իմփաքթ առաքելությունը, իրականացրել անհատական և խմբային աշխատանքներ, զարգացրել թիմային աշխատանքի կարողությունները։

Հանդիպումների Ֆորմատը.

Տևողություն՝ 3-4 ժամ

Հաճախականություն՝ Շաբաթական մեկ օր

Հատկանշական է, որ չնայած երկար տևողությանը, մեր երիտասարդները մինչև վերջ մնում են մեծ սիրով՝ ապացուցելով իրենց նվիրվածությունն ու մոտիվացիան։

💡 Առաջիկա Ծրագրեր. Համայնքային Վերլուծություն
Այս պահին մեր մասնակիցներն ակտիվորեն աշխատում են համայնքային վերլուծության վրա: Այս կարևոր աշխատանքն անհրաժեշտ է՝ ապագա համայնքային ծրագրերի հիմքերը դնելու և արդյունավետ գաղափարներ զարգացնելու համար։ Սպասեք մեր նոր ծրագրերի մասին մանրամասներին։

❤️ Աշխատանքն Առաջնային Է
Մենք շատ հաճախ մեծածավալ աշխատանք ենք իրականացնում, և երբեմն ժամանակը թույլ չի տալիս բոլոր մանրամասները ժամանակին իրազեկել մեր հետևորդներին: Սակայն մեր համար առաջնային է աշխատանքի արդյունքը, այլ ոչ թե այն ի ցուjց դնելը: Մեր գործերն ավելի բարձր են խոսում, քան մեր խոսքերը։

Մենք շնորհակալ ենք բոլորիդ ձեր անսահման նվիրվածության և վստահության համար։ Սպասե՛ք առաջիկա շատ հետաքրքիր նորություններին, քանի որ մեր Իմփաքթ համայնքը դեռ շատ անելիք ունի։

🌟Այսօր կամավորության միջազգային օրն է
Կամավորները մեր կազմակերպության շարժիչ ուժն են։
Շնորհակալ ենք ձեր նվիրվածության ու անսպառ էներգիայի համար։💚

📌📌Սույն թվականի նոյեմբերի 18-ին Երևանում անցկացվեց հանդիպում Թալին համայնքի ՏԻՄ և ՀԿ ներկայացուցիչների մասնակցությամբ, ովքեր միասին ուսումասիրեցին գենդերային հավասարության և գենդերազգայուն բյուջետավարման սկզբունքները:

Մեր կազմակերպությունը ներկայացնում էր Հասմիկ Մկրտչյանը

📈Այս հանդիպումը հնարավորություն տվեց մասնակիցներին ձևավորել նոր գաղափարներ, դիտարկել համայնքային խնդիրները տարբեր տեսանկյուններից, գտնել ավելի ներառական և արդյունավետ լուծումներ, նոր կապեր ստեղծել` ուղղված համայնքում հավասարության և արդարության խթանմանը:

⚡Դասընթացը կազմակերպվել էր OxYGen Foundation-ի կողմից:

🔎 Հետաքրիր նախաձեռնություն ունենք Արագածոտնի երիտասարդների և պատանիների համար:

📎 «Ուղղակի ժողովրդավարություն» ՀԿ-ն, նոյեմբերի 15-ին լինելու է Թալինում մեր կազմակերպությունում և անցկացնելու է «ՆերՈՒԺ. ապագա առաջնորդների զորեղացում» հանդիպումների շարքը` Արագածոտնի մարզի պատանիների եւ երիտասարդների հետ: Հանդիպումների նպատակն է` մարզի երիտասարդների առաջնորդական ներուժի բացահայտումը, համայնքային պլանավորմանը մասնակցության եւ հասարակական ներգրավվածության ավելացումը, համայնքային խնդիրների վերհանման եւ հաղթահարման կարողությունները:

📎Եթե ապրում ես Արագածոտնի մարզում կարող ես մասնակցել այս հետաքրիր և միևնույն ժամանակ կարևոր հանդիպմանը: Տեղերը սահմանափակ են:

🔺 Նշենք նաև, որ առաջին կանգառը լինելու է Թալինում այնպես, որ հնարավորությունը բաց մի թողեք:

🕜 Տևողություն- 2,5-3 ժամ

✅ Գրանցվելու համար գրել էջին

📌📌📌Այսօր Թալինում անցկացրինք մեր թվով երկրորդ ինտելեկտուալ փառատոնը՝ 11 թիմերի մասնակցությամբ։ Մրցակցությունը թեժ էր, գաղափարները՝ սուր, իսկ տրամադրությունը՝ բարձր։

🗣️🎤Խաղը վարեցին մեր գործընկերները՝ «ԽորանԱրդ»ՀԿ-ից:
🥇🥈🥉Մրցանակների հովանավորը Win Dent 🦷ատամնաբուժական կլինիկան էր․ շնորհակալ ենք աջակցության և համագործակցության համար։

Ի վերջո, կրկին հաղթեց ամենակարևորը՝ 📚գիտելիքը։
Շնորհակալություն բոլոր թիմերին ակտիվ մասնակցության համար։ Շարունակում ենք միասին զարգացնել ինտելեկտուալ միջավայրը մեր համայնքում։
#ինտելեկտուալփառատոն #խորանարդհկ