Alat.Az

Nə qədər canımda can, qəlbimdə sevgi və hörmət varsa, dəyərli müəllimləri və əsl ziyalı insanları hər zaman təbliğ edəcəyəm. Onların gördüyü işləri, insanlara bəxş etdiyi dəyərləri gələcək nəsillərə çatdırmağı özümə mənəvi borc bilirəm.

Bəlkə də məndən sonra bu yolu davam etdirənlər olacaq, bəlkə də olmayacaq. Amma bir həqiqət var ki, mən yaşadığım müddətdə haqqı, zəhməti və şəxsiyyəti ilə seçilən insanları qəlblərdə yaşatmağa davam edəcəyəm. Çünki ziyalı adına layiq olanlar unudulmamalı, daim hörmətlə xatırlanmalıdır.

Müəllimlik – qəlblərə işıq saçan müqəddəs peşədir

Ələt qəsəbəsi 110 nömrəli tam orta məktəbin dəyərli müəllimələri Elyanura müəllimə və Xanıgül müəllimə öz zəhmətləri, yüksək peşəkarlıqları və insanpərvərlikləri ilə hər zaman hörmət qazanıblar. Onların verdiyi bilik, aşıladığı tərbiyə və göstərdiyi qayğı yüzlərlə şagirdin həyatında silinməz iz qoyub. Belə müəllimlər məktəbin fəxri, cəmiyyətin isə ən qiymətli sərvətidir. Allah onları qorusun, sağlam və uğurlu ömür nəsib etsin.

aktiv fanatlar

Hörmətli Xanıgül müəllimə!

Sizi doğum gününüz münasibətilə ürəkdən təbrik edir, Sizə möhkəm can sağlığı, uzun ömür, ailə səadəti və işlərinizdə daim uğurlar arzulayıram.
45 illik şərəfli pedaqoji fəaliyyətiniz ərzində yüzlərlə şagirdin həyatında silinməz iz qoymuş, onlara yalnız elm deyil, həm də mənəviyyat, vətənpərvərlik və insanlıq dəyərləri aşılamısınız. Ələt qəsəbəsinin və 110 nömrəli məktəbin dəyərli müəllimlərindən biri kimi qazandığınız hörmət və rəğbət illərin zəhmətinin ən gözəl bəhrəsidir.

Sizin kimi müəllimlər cəmiyyətimizin ən qiymətli sərvətidir. Yetirdiyiniz nəsillər, qazandığınız hörmət və insanların qəlbində yaratdığınız xoş xatirələr Sizin ən böyük uğurunuzdur.
Doğum gününüz mübarək olsun! Arzu edirəm ki, həyatınızın hər günü sevinc, xoşbəxtlik və doğmalarınızın sevgisi ilə əhatə olunsun. Allah Sizə sağlam, firavan və bərəkətli ömür nəsib etsin.
Ad gününüz mübarək, əziz və hörmətli Xanıgül müəllimə!

Hörmətlə, Hacı Qayıbov