AzMIU TGT

Azərbaycan Memarlıq və İnşaat Universiteti (AzMİU) Tələbə Gənclər Təşkilatının (TGT) CreART Mədəniyyət Klubları şəbəkəsi nəzdində fəaliyyət göstərən Design Klubunun təşkilatçılığı ilə Tahir Salahovun ev muzeyinə ekskursiya təşkil olunub.

Ekskursiya zamanı tələbələrə muzeydə nümayiş olunan müasir və ənənəvi incəsənət nümunələri, eləcə də görkəmli rəssam Tahir Salahov və digər sənətkarların yaradıcılığı barədə daha dolğun məlumat təqdim edilib.🖌️

Tələbələr ekskursiyada müxtəlif rəsm və dekorativ-tətbiqi sənət əsərləri, tematik ekspozisiyalar, müəllif işləri və incəsənət layihələri ilə yaxından tanış olub.🔎
Ekskursiya xoş təəssüratlarla yadda qalıb.

Azərbaycan Memarlıq və İnşaat Universiteti (AzMİU) Tələbə Gənclər Təşkilatının (TGT) CreART Mədəniyyət Klubları şəbəkəsinin təşkilatçığı ilə “CreATİVE” ekskursiyası təşkil olunub.

Bu gəzinti sadəcə bir səfər deyil, fərqliliyi hiss etdiyimiz, yeni baxış bucaqları qazandığımız və birlikdə unudulmaz anlar yaşadığımız xüsusi bir təcrübə olub. 🏙️

Yeni dostluqlar, səmimi anlar və fərqli təcrübələrlə dolu bu gün, hər bir iştirakçı üçün yadda qalan bir hekayəyə çevrilib.

Bu ekskursiya sadəcə bir gəzinti deyil, xatirələrə çevrilən anların ən gözəl toplusu olub. 💫

Azərbaycan Memarlıq və İnşaat Universiteti (AzMİU) Tələbə Gənclər Təşkilatının (TGT) nəzdində fəaliyyət göstərən Eco Klubunun təşkilatçılığı ilə
YARAT Mərkəzinə ekskursiya təşkil olunub.

Ekskursiya zamanı tələbələr sərgidə nümayiş olunan müasir incəsənət əsərləri ilə yaxından tanış olub, müxtəlif konseptlər və yaradıcı yanaşmalar haqqında ətraflı məlumat əldə ediblər.

Ekskursiya çərçivəsində tələbələrə əsərlərin ideyası, müəlliflərin yanaşması və müasir incəsənətin əsas xüsusiyyətləri izah olunub.

Bu ekskursiya tələbələrin estetik zövqünün formalaşmasına, incəsənətə olan maraqlarının artmasına və yaradıcılıq baxışlarının genişlənməsinə müsbət təsir göstərib.

Azərbaycan Memarlıq və İnşaat Universiteti (AzMİU) Tələbə Gənclər Təşkilatının (TGT) CreART Mədəniyyət Klubları şəbəkəsinin nəzdində fəaliyyət göstərən Actorium klubunun təşkilatçılığı ilə Qala kəndinə ekskursiya təşkil edilib.

Ekskursiyanın əsas məqsədi tələbələri Azərbaycanın zəngin tarixi-mədəni irsi ilə daha yaxından tanış etmək, milli dəyərlərimizi yerində öyrənmək və onların dünyagörüşünü genişləndirmək olub.

Qala kəndində yerləşən tarixi abidələr və açıq hava muzeyi ilə tanış olan tələbələr qədim yaşayış nümunələri, memarlıq üslubları və xalqımızın həyat tərzini əks etdirən eksponatlar haqqında ətraflı məlumat əldə ediblər.

Ekskursiya zamanı tələbələr həm maarifləndirici, həm də maraqlı anlar yaşayıb, tarixi mühitdə yeni biliklər qazanıblar 📸

Bu kimi təşəbbüslər tələbələrin sosial aktivliyinin artırılmasına, milli irsə olan marağın gücləndirilməsinə və asudə vaxtlarının səmərəli təşkilinə töhfə verir ✨