Riwaya

رسائلكم

انشري هذي ختي ربي يسجيك،
انا عمري 31 سنة، ومتزوجة من خمس سنوات. زواجي بدا كيما الحلم: حب، تفاهم، واحترام. بصح مؤخراً، حياتنا الزوجية ولات كابوس.

راجل ي بدا يتغير. ولا بارد معايا، ما يهدرش، ما يسألش، وكأنه يعيش معايا جسد بلا روح. كنت نقول روحي بلي العمل والضغوطات السبب، بصح مؤخراً لقيت أمور ما نقدرش نفهمها.

مرة، كي كان راقد، وصلتني إشعار في تليفونو. فضولي خلاني نشوف الرسالة... كانت من رقم مجهول، مكتوب فيها: "توحشتك... كي نشوفك؟" حسيت كيما لو الأرض تحتي تهزت.

واجهتو، بصح جاوبني ببرود: "ما عندكش الحق تفتشي في تليفوني." ما حاول حتى يشرح، ما حاول حتى يبرر. ومن هداك النهار، العلاقة زادت سوء. ما بقاش يبات في الدار بزاف، والجو ولى خانق.

اليوم، نحس روحي ضايعة بين خيانة محتملة وصمت يزيد يعذبني. قلبي يقول لي نواجهه مرة أخرى، وبصح عقلي يقول لي نحمي نفسي ونفكر في روحي قبل ما نغرق.

وش ندير؟ نواجه، نصبر، ولا نروح؟

رسائلكم...

اسمي سمير، و عمري 35 سنة. كنت ديما نحلم نكون أب، نربي وليدات و نعيش معاهم أحلى لحظات. بصح ربي ما كتبليش. أنا و زوجتي نحبو بعضنا بزاف، بصح الفراغ هذا راهو يقتلنا شوية بشوية. كل مرة نشوف عايلة مع أولادهم نحس قلبي يتقطع. راني حاير، كيفاش نقدر نكمل حياتي و نعيش الفرحة بلا هاد الحلم؟

رسائلكم...

فوتيلي المساج من فضلك، حبيت نحكيلكم حاجة حكمتني منها القنطة، عمري 28 سنة. كنت مخطوبة لواحد كنت نحسابو حب حياتي. كان يعاملني كي الأميرة، و وعدني بزواج مليان حب و استقرار. لكن نهار عرفت باللي كان يخون فيا مع وحده أخرى، الدنيا طاحت عليا. ما فهمتش كيفاش إنسان كنت نشوف فيه المستقبل يقدر يطعنني بهاد الطريقة. راني نحاول نكون قوية، بصح الجرح كبير كيفاش نقدر نرجع نثق في الحب مرة أخرى؟