نصيحة طبية

سلسلة كل يوم هرمون …
رح نبداو سلسلتنا بالسانتو مرعب الحوامل ماهو في الأصل الا هرمون الاكسيتوسين الصناعي
الهرمون لي نسموه ثان هرمون الحب ولا الترابط ولا الولادة
هذا الهرمون تفرزو الغدة النخامية …
مسماوهش هرمون الحب عشوائيابل لأنو يُفرز فالمواقف لي يكونو فيها مشاعر الحب كالعناق التواصل العاطفي الرضاعة العلاقة الجنسية
المثبطات : الخوف والتوتر ولا الشعور بالتهديد وهاذ النقطة بالذات مهمة جدا في مجال التوليد ….
وظائفه :
يسبب تقلصات الرحم أثناء الولادة
يحفز نزول الحليب أثناء الرضاعة
يقوي الترابط العاطفي مع الطفل أو الشريك
يخفف الألم ويعطي شعور بالراحة
دور كبير في ايقاف نزيف مابعد الولادة
خليولي فالتعليقات الهرمون لي حابين تعرفو عليه اكثر 🤗

كاين حالة تصيب بزاف الناس خاصة فالـساقين اسمها
الدوالي (Varicose veins)
تصرا كي تتوسّع الأوردة وما ترجعش الدم للقلب كيما لازم، خصوصًا مع
الوقوف الطويل، المشي بزاف، ولا الجلوس مدة طويلة
عند بزاف ناس تكون غير مشكل جمالي
بصح عند آخرين تقدر تدير
وجع، ثقل فالساقين، حرقان، تشنج، وتورم
ومرات حتى مضاعفات خطيرة كي تقرحات ولا مشاكل فالدورة الدموية
كيفاش تبان؟
أوردة زرقا ولا بنفسجية
ملتوية ومنتفخة كيما الحبال
تقدر تبان من الفخذ حتى للكاحل
علاش تصرا؟
مع التقدم فالعمر الأوردة تضعف
الصمامات ما تخدمش مليح
الدم يرجع ويتجمع
والحمل زادة يزيد الضغط على أوردة الساقين
(وغالبًا دوالي الحمل تروح بعد الولادة)
نقولو الحقيقة؟
الدوالي تقدر توجع وتقلق
بصح نقدروا نتحكمو فيها
العلاج؟
مش دايمًا جراحة
كاين حلول بسيطة كيما:
– الحركة والرياضة
– نقص الوزن
– رفع الساقين
– تجنب الوقوف والجلوس الطويل
– الجوارب المطاطية لي تعاون الدم يطلع للقلب
على حساب الحالة
مرات يكفي علاج ذاتي
ومرات لازم تدخل طبي بسيط
شكون عندها/عندو دوالي؟
ولا جرب الجوارب المطاطية؟
يحكيلنا تجربتو 🌸

#صحة