Medical diary

? 🤍

Sémiologie ❄️: موديل راح يدخل فليزينيتي كامل و راح يكون بنسبة خمسين بالمئة فلي كنترول 😇
موديل يتعلق بجانب التشخيص و الكلينيكي (interrogatoire+examen physique) يعني هنا تبداو تتقربو من المريض و تبدا la relation médecin-malade ❤️ + راح تدرسو بعض الأمراض و المتلازمات المتعلقة ب الوحدة المدروسة 👌
🕳️موديل لازملو حفاظة 🤷 بصح بيان سور قبل ماتحفظ افهم و حاول طبق وش راك تقرا سيرتو examen physique و شوفو les vidéos فليوتيوب راح يعاونوكم بزااف سيرتو فوحدة نورو ⚡
خليو المرجع الاساسي نتاعكم الكور نتاع بروف لي يقريكم + كاين كتاب précis de sémiologie 👌سيرتو تاع آلجي لي كورر نتاعكم سمعت تقريبا كامل منو و كاين كتاب sémiologie médicale تحتاجوه على المدى البعيد .بلا متنساو les QCM كاين كتابات ملاح كيما Syllabus تاع Ayoub yaici و بالنسبة كلية باتنة كاين Banque Magic فيه ليكسيام نتاعنا منظمين مي تبعو من الكور كي تحبو تجاوبو باسكو كاين حوايج كوريجي نتاعهم غالط 🤷⚡ ليكسيام راح يعاونوكم تثبتو المعلومات و متخليوهمش ليلة الرعد حاولو كل ويكاند تشوفو كسيام تاع لي كور لي قريتوهم فلاسمان (نصائح لم اقم بتطبيقها فدفعت ثمن غالي ليلة رعد 😂😂ضغط و ستراس) .
Physiopathologie 💊:موديل يدخل فليزينيتي كامل حتى هو و يكون فلكنترول بنسبة عشرين بالمئة على حسب وش شفيت 👌💯الموديل هذا باش تفهمو لازم تكون تعرف la physiologie très bien يعني ريفيزيو قبل ماتبداو الكور باسكو راح تقراو فيه الآلية التي تؤدي الى اعتلال الحالة الطبيعية و وش هوما ليميكازينم لي يتدخلو و وش يصرا exactement .
أكثر موديل حبيتو باسكو ميحتاجش حفاظة بزااف تقدر تستنتج الإجابة انطلاقا من الفهم نتاعك و حلو يهبل 😬❤️❤️❤️. بالنسبة للمراجع انا اعتمدت على série jaune الكور فيها مشروح بيا و واضح يهبل 😬 راح تلقاو تاني لاشان يوتيوب Khadija fredj تشرح بعض لي كور بطريقة ما شاء الله 👌 بلا متنساو ليكسيام (syllabus + banque Magic ....etc كل واحد منين يحب و من الافضل كل فاكيلتي تبع ليكسيام نتاعها )
Radiologie 🔘: حشمت نمدلكم فيه دي كونصاي باسكو ديما نيليمينيه 😂 قريتو غير فلينيتي لولة 😂😂المهم من اسمو باين راح تقراو فيه مختلف التقنيات المستخدمة pour l'exploration radiologique (TDM.IRM.echo ...)
+بعض les clichés و les syndromes...الخ .هو الصراحة موديل حلو كي ترجع للصح بصح سيستام لي اجبرني اني نتخلى عليه 🤷 يدخل فلي كنترول بنسبة 15% نورمالمون . بروف تاع باتنة يشرح توب الله يبارك تقدرو تهزو عليه حوايج بزاف متلقاوهمش فلكور نتاعو يعني اسيستيو . بصح لي كور طوال و الكنترول يجي من المريخ هههه يعني لازم تستنتجو و تمخمخو بيا 🙄 و كل برومو و زهرها هذا لا ينطبق على الجميع ههه .
الكور هو مرجعكم الاساسي متحتاجوش تبعدو بزاف عليه + لي كسيام كي العادة (syllabus سيرتو فلينيتي لولة + banque Magic ... الخ )
Biochimie⚗️: موديل حلو حتى هو يدخل فلكنترول بنسبة خمسة عشر بالمئة راح تقراو فيه exploration biochimique المتعلقة بكل وحدة و بعض les pathologies كيفاه نشخصوها انطلاقا من هاذ les examens .👌
الكور هو مرجعكم و لي كيسيام اعتمدو على العام لي قبلكم + كاين تاع 4 فارماصي يفيدوكم ⚡
Psychologie médicale 💀:موديل يدخل فالوحدة الاولى راح تقراو فيه la relation médecin-malade بعض الحقوق و الواجبات ...الخ
مكانش هدرة فيه بزااف لي كور صغار و عاودو حلو ليكسيام تاع سانكيام 👌💯
🌱خليو كومنت للنقاط الغامضة و لتشجيعي لتعريفكم المرة القادمة بلي مودييل لي بقاو . 💉 و متنساوش بارطاجيو فلي ڨروب دو برومو نتاعكم و طاڨيو لي زامي لتعم الفائدة 💊

💮منشور مخصص للإجابة عن اي تساؤل بخصوص سنة ثانية طب👇