Dj Melissa Event
Partager
نحن نقوم بتوفير خدمات تخص مناسباتكم ...ديجي ... فوتوغراف...حلاقة... ديكور ... هدوة ... بارود ... تابع
نصائح للعرس تاعك باش ينجح مع اني ديجي ونشوف الأخطاء لي يديروها لعرايس نهار عرسهم بش ماتطيحيش فيهم كي تقراي وتخلصي اخبطي جام ماشي انا نكتبلك ونتعب ونتي تبخليني
لزمك ترتاحي مليح قبل بيومن من عرسك باه تكوني ناشطة ووجهك منور مش متعب من قلة النوم او من كترت التعب …و تروحي للحفافة بكري باش ماتديريش روطار عندها و وديري عرسك وحدك ماتديريهش مشترك على خاطر ماراكي راحا تشفاي على والو كي يعود مشترك الكورتاج يدي وقت بزاف ويجي كلش مزروب وخاصة اذا عندك لابياس وتصديرة والحنة مع بعضاهم …..ماتكتريش تصديرة ديري حوايج قلال بصح كلاس وتستفيدي بعد من الوقت باش تعيشي وتشطحي مع حباباتك وتتصوري براحتك واحد مايزربك ماشي تكتري التصديرة وتقعدي تجري تبدلي وتعاودي ومنبعد تلقاي النهار راح فالجري بلاما تمتعي بيه واكدي لناسك لي يجيو يحنيولك يجيوك بكري باه تبداي تصديرتك ماشي يجيوك على 3 ونتي واجدة بصح تسنايهم يجيو روطار ويروحلك النهار فالانتظار والانتظار يقوي الستراس والورطار تاعهم يودرلك بزاف وقت حتى ولو نتي درتي حسابك وبكرتي يفسدولك البروقرام لي درتيه
وبالنسبة للاغوب بلونش كي تكريها اكريها قدك ماشي طويلة تتكركر وتتشنشفي معاها وماتقدري تتحركي بيها ماتقدري تشطحي بيها في اجمل لحظات العمر واياكي وتكريها بلاتخان ميطرتين قماش وراك يتكركر راح تتعذبي عذاب عمرك ماتعذبتيه قبل
وحاجة مهمة جدا ادا حبيتي عرسك يجي فيه لومبيونس اعرضي لبنات بزاف هوما راح يهولولك العرس
انا مالفة نخدم لعراس لي مافيهمش لبنات فيهم غير لكبارات وقليل من المدامات يفوت عرس تقيل ماتقدريش تعولي على لكبارات يشطحولك نهار كامل راح يشطحولك شوية على خاطر يغلبو
وأكدي على عدم احضار الأطفال لولاد بزاااف راح يديرونجيوك كي تعودي داخلة بالتصديرة ويديرونجيوك كي تكوني تتصوري
كشما نسيت حاجة فكروني فليكومونتار
Cliquez ici pour réclamer votre Listage Commercial.
Téléphone
Site Web
Adresse
Heures d'ouverture
| Lundi | 09:00 - 17:00 |
| Mardi | 09:00 - 17:00 |
| Vendredi | 09:00 - 17:00 |
| Samedi | 09:00 - 17:00 |
| Dimanche | 09:00 - 17:00 |