DI Climatisation 41

🟢سلام عليكم دائما مع تركيب مكيفات
🟢من اجمل مكيفات في برودة وجودة التصنيع media king يعني تتمتع مكيف في جودة برودة و تقريبا متسمعوش خلاه
🟢لكن من اكبر مكيفات لي نلقا فيها مشاكل ❌فويت خاصة اذا ركب من شخص معندوش kit, cintreuse بسبب جودة نحاس لي فيه
🟢مكيف بعلامة 10/10 يبقا تركيب 😂تقيمكم انتم وشكرا🙏

🟢سلام عليكم راح نتكلم على وحد ظاهرة ولي هي غريبة خاصة في ولاية سوق اهراس

🟢بما اني في مجال يعني نكون عبالي باسعار في غالب احيان بدقة لكن شيىء محير عام هاذا منافسة كبيرة في اسعار تقريبا اسعار الجملة ومناش قادرين نعرفو اتجاه تع سوق معظم تجار يقلك مزال يهبط

🟢ولي حيرك اكثر في ولاية هادي اسعار كيما راهي خاصة لي حاطهم في صورة مزالهم في 75 يعني تحير عنا سوق وحدنا وبيع.بتشناف لم نفهم خطأ من اين صراحة

🟢سلام عليكم من مكيفات لي دائما انصح بيها هايسنس خاصة في جودة تبريد

🟢لكن الكذب حرام ولي يعرفوني عبالهم كي نشكر حاجة راهي صح وكي حاجة مشي مليح كيف كيف

🟢عام هاذا نحاس جودة رديئة جدا تخيل معي اخي نحاس يتعوج في يدك قريب نولو نستروه 3/8 في كل مكيفات هاسيسنس عام هاذا نحاس عيان ياسر ❌
🟢بواش ننصح مزالني ننصح بيه لكن فقط لي ركب يوخذ حذرو كاين مكيف جديد كوندور alpha X وين تشوفو هبط لسوق اشري

🟢سلام عليكم 😂واحد قالي خويا حنا ثلج يصب وانت تركب في كليم مولاهم جن

😂🟢ارواح نقلك وعلاه حمد الله حتى في شتاء نركبو زبون شتاء ذكي وهذي فكرة انشاء الله تعم نقلك بلي افضل تركيب هو تركيب في اشهر هاذي وعلاه ؟ ولفنا دقيقة 90 تعيط واحد يركبلك

وهاذي اكبر غلطة ❌انا ف صيف منقدرش نركب لناس كل وعلاه ؟ لانو ضغط وكاين حالات وين نقدمو ناس مريضة على واحد نورمال ثانيا انا نلقا راحتي منيش ملزم باه نكمل في نهار يعني عمل متقون 200/100

ثالثا اسعار مكيفات طايح وهذي تساعد لي عندو كمية في مكيفات راح يشريها رابعا خدمة صيف متعبة وضغط يخلي ناس تقصد اي واحد يركب وهنا نصرا كوارث معظم مكيفات لي نعودها ولي تتحرق مشكلتها زبون ميصبرش تقولو مش ليوم يقلك كيفاه 😂يجي صيف تهبلو واش حسبين رواحكم
ودائما نقولها ركب في وسع الحال ✅