SGS services

السلام عليكم
خاوتي مارناش نخدمو مواعيد طلاب التأشيرة لفرنسا و اسبانيا ما تحشمو ناش باش ما نحرجوكمش و تبانلكم رانا نتكبرو على الخدمة
حنا فالاول قلنا لكم لي ماعندوش الوقت باش يقابل الpc رانا في الخدمة بصح لي عندو الوقت و ما بعرفش يتعلم فاليوتيوب و اللي راهم يعيطولنا فالهاتف نعتذر منو و السلام .

سلام للجميع .. كيفية صياغة طلب فيزا المملكة المتحدة
Comment formuler une demande de visa UK
1- التسجيل على موقع www.gov.uk يكون ب
email & mot de passe

2- تعمر الفورميلار او ابليكايشن وهو الإجابة عن حوالي 90 سؤال حول معلومات شخصية وتعليمية ومهنية ومالية خاصة بك .. مش شرط تعمرو في وقت واحد تقدر كل مرة تعمر شوي ودير enregistrer ma demande رح يبعثولك الرابط للايميل تاعك باش تكملو مرة أخرى.

*** نصيحة لما تجاوب على اي سؤال لازم تكون موجد له الوثيقة الخاصة بيه الي تثبت الإجابة مثلا :
* في سؤال نوعية العمل لازم يكون عندك شهادة عمل او عقد عمل أو سجل تجاري أو قرار تعيين أو اعتماد أو بطاقة حرفي أو فلاح او قرار تقاعد ..
* في سؤال الجانب المالي لازم يكون عندك كشف بنكي ولا بريدي خاص بك او بالضامن فيك وكشف الراتب
C20 ، CASNOS ، extrait de rôles ، déclaration annuelle des bénéfices ....
* في سؤال الحالة العائلية: لازم يكون عندك شهادة ميلاد وشهادة عائلية(خاص بالوالدين والأبناء مش شرط للمتزوجين فقط ) عقد زواج
* في سؤال عن الأملاك: اي حاجة تملكها باسمك دار أو محل أو سيارة أو قطعة ارض (باش تضمن لهم انك رح ترجع لبلدك)
* نقطة مهمة جدا : الكثير من الناس يهملون السؤال الأخير لما يطلب منك إضافات اخرى للطلب تاعك وفي هذي الخانة تحاول تشرح مخطط الرحلة تاعك وواش رح تستفاد منها ووشنهي الهدف منها (باعتبار انو الإنجليز يحبو التبرير بزاف) يعني تحاول تخلي عندهم أثر إيجابي من هذا المقال.

3- بالنسبة للوثائق: فيزا UK ما عندهاش قائمة محددة للوثائق كما باقي الفيزات الأخرى.. الميزة الي فيها انك قد ما تحط وثائق تكون في صالحك اذا ما كانش عندها أهمية مش رح يرفضوها ولا يحاسبوك عليها ..يعني توفر لهم كل البيانات الي قلتها في الفورميلار بالدليل والتبرير .. المهم انك تكون كتاب مفتوح عندهم من حيث حياتك الشخصية والعائلية والمهنية......

4- بعد ما تخلص الفورميلار اطبعه رح يكون في حدود 11 صفحة وبعدها رح يتم تحويلك مباشرة لموقع tls.uk باش تحكم رونديفو وكي تخلص يطلب منك تحميل الوثائق التي تدعم الطلب (الخطوات موضحة في الرابط في الأسفل )

5 - لما تروح للمركز في الموعد الي اخترته تدي معاك الباسبور والفورميلار الي طبعته(3 صفحات الأولى تكفي) والورقة الي تثبت الموعد والصوارد وبعدها يتم تصويرك واخذ بصماتك.
وبالتوفيق للجميع ..