Al Minya Horror

بسم الله الرحمن الرحيم..
تعالوا بينا نبدأ بأول جزء من قصة ( )
القصة حقيقية وحدثت بالفعل لشخص اعرفة .
انا هتكلم بالنيابة عنة تمام ! .. تمام
اولآ انا اسمي طارق عمري 12 عام .. انا مليش غير والدي اللي عمرة 60 عام وعايشين انا وهوا في الترب والمدافن مع الميتين .. اه انا عايشين في تربة من ترب الميتين متستغربوش اوي .. احنا عايشين فيها من زمان وواخدين علي الوضع جدآ .
طب احنا عايشين ازاي ! .. احنا بنستني كل يوم جمعة للناس اللي بتيجي تزور امواتهم وبيدونا اكل وشوية فاكهة بسيطة كدا بنمشي نفسنا بيهم طول الاسبوع .. المهم مطولش عليكم والدي وظيفتة انة حارس للمدافن دي ! .. هتقلولي هيحرس اية في المدافن هقولكم في حرامية بتبقي مبرشمة بتخش الترب تسرق اي حاجة ممكن تجبلهم فلوس بقي .. ابويا كان بيطلع هوا بليل بس وانا نايم لكن مش بيطلع ويسبني وانا لوحدي عشان عارف اني بخاف وكدا .. المهم في يوم والدي سابني نايم وخرج يلف علي الترب كلها كالعادة يعني .
بس انا في اليوم ده صحيت علي صوت همسات قدم !
انا كنت خايف بس الفضول شجعني وقومت اشوف مين برة ولما خرجت بقيت شايف قدمات رجل معلمة علي الارض لكن مفيش حد ! يعني في حد ماشي وقدمات رجلة عمالة تعلم في الارض ومش باين .. هوا ماشي ع الارض !
انا دخلت جوة البيت تاني وقعدت في زاوية الحيطة وعمال اعيط ولقيت حد بيخبط علي الباب .. مين ! .. محدش بيرد قومت افتح ملقتش حد ! بس لمحت والدي وهوا ماشي في الترب بس كان بعيد اوي لو ندهت عليه مش هيسمعني ! .. قفلت الباب وطلعت جريت وراه عشان الحقة والف معاه في الترب بدل منا قاعد لوحدي .. فضلت اجري وقع واقوم واجري وقع واقوم !!
وادوس علي عظام ميتين والدنيا كلها ضلمة لحد مالمحت والدي دخل في اوضة كدة بيريح فيها .. المهم وصلت هناك بخش الاوضة ملقتش حد !!...
اااااه اعااااا .. الباب اتقفل عليا وحسيت ان حياتي انتهت !
قعدت اخبط وارزع في الباب لكن مليون في المية المفروض محدش يسمعني لان الاوضة مقفلة كلها ومفهاش منفس حتي بس لقيت والدي بيفتح الباب وبيقولي تعالي يا طارق اية اللي طلعك من البيت .. انا قومت حضنتة ومسكت ايدو وماشين انا وهوا مروحين علي اللي احنا مسمينة بيت يعني .. وصلنا لحد البيت بلف وشي عشان اقولة هات المفتاح يابا ! ملقتهوش جمبي ! اختفي !.
جسمي كلة ارتعش وقعدت اقول اعوذبالله من كلمات الله التامة .. واقراء قرأن لحد مامعجزة من عند ربنا كدا جمدت قلبي .. والباب طبعآ مقفول .. طب هخش ازاي ! .. رحت فاتح الباب ب سكينة كدا دي طريقة بفتح بيها يعني المهم .. فتحت الباب دخلت لقيت ابويا اصلآ نايم علي السرير !
اندهشت وكنت هتجنن وقلبي هيقف ! رحت اهز ابويا وبكلمة كدا وبقولة انت هنا من امتي يابا !! وبيقولي اية ياطارق منا نايم من امبارح هنا !
بقول في سري ازاااي ! امال مين اللي كان برة ده ! .
اغمي عليا وصحيت الصبح علي حد من الزوار بيفوقني وبيقولي قوم ياطارق انت نايم علي الارض لية !
قولتلهم فين ابويا بس !
قلولي يابني ابوك ميت في حدثة من زمان !..
#اتبع !
الجزء الثاني بكرة في نفس المعاد. ولو الجزء ده قصير التاني هيبقي اطول إن شاءالله
(اعمل منشن لاصحابك وخليهم يتابعوا من اول جزء + تقيمك)