Digital Inclusion Hub

بتصنعي منتجات هاند ميد ومحتاجة مكان تقدري تبيعيها فيه ؟
لو بتحبي تعملي منتجات هاند ميد سواء كانت (ملابس، أحذية، شنط، محافظ، اكسسوارات، أدوات مكتبية أو أي منتجات تانية..
"هاندفاي.نت" هو سوق للمنتجات الهاندميد الفريدة والإبداعية، في موقع هاندفاي هتقدري تبيعي منتجاتك بطريقة أحسن وأسرع وتسوّقي لمنتجاتك بشكل أفضل وتكون مصدر دخل ليكي
اعرفي أكتر عن كيفية اليبع من هنا https://handfy.net/

تعرفي إن طفلك ليه معاش من وزارة التضامن؟
وزارة التضامن الإجتماعي بتمنح معاش للأطفال اللي أعمارهم أقل (18) سنة ، وبتتحدد قيمة المعاش وفقاً لعدد الأطفـال، بالإضافة لمنحة دراسية شهرية لكل طفل من الأطفال المستفيدين من المعاش بشرط انتظامهم بالتعليم الأساسي حتى المتوسط بحد أقصي (200) جنيه شهرياً لمدة (8) شهور من أكتوبر لمايو من كل عام دراسي.

اجراءات الحصول على الخدمة:
​- يقدم طلب الحصول علي المعاش على طلب الحصول علي خدمة بعد إستيفاء بياناتها بوحدة الشئون الاجتماعية التابع لها محل الإقامـة.
الفئات المستحقة :
- الأطفال الأيتام أو مجهولي الأب أو الأبوين .
- أطفال المطلقة إذا تزوجت أو سجنت أو توفيت .
- أطفال المسجون لمدة لا تقل عن (3) سنوات .
اعرفي تفاصيل اكتر عن المتطلبات من هنا https://www.moss.gov.eg/Sites/MOSA/ar-eg/Pages/sector-service-detail.aspx?sid=29

ازاي تقدري تسوّقي للمنتج بتاعك بالطريقة الصحيحة وتوصلي لأكبر عدد ممكن من العملاء؟
التسويق يعتبر من أهم العمليات الإدارية اللي لازم تكون موجودة في أي مشروع سواء كان صغير أو كبير، والأهم أن يتم تطبيقه بالشكل الصحيح واللي بيتناسب مع منتجاتنا وعملائنا..
وأهمية التسويق ممكن نلخصها في اننا من خلاله بنقدر:
1- نعرف احتياجات ورغبات العملاء والمستهلكين.
2- معرفة السلع والخدمات الموجودة في السوق والسلع المطلوبة أكتر.
3- معرفة حصة وأرباح المشروع في السوق ومقارنته بحصة المنافسين.
4- معرفة مدى رضاء العملاء والمستهلكين عن المنتج أو الخدمة اللي بنقدمها.

خطة التسويق علشان تكون ناجحة في بعض الشروط اللي من الضروري توافرها:
1- معرفة منافسيننا في السوق وتحليل أدائهم.
2- وضع خطة موضوعية ومنطقية للوصول لدرجة عالية من التنافسية في السوق.
3- البعد عن عرض عيوب أو نقاط الضعف في منتج منافس.

طيب وايه هي الخطوات اللي المفروض نمشي عليها؟
1- أول وأهم حاجة هي دراسة السوق: وهي إننا نجمع المعلومات التي تخص السوق بتاعنا من حيث اتجاهات ورغبات العملاء المحتملين، والفئات العمرية للمجتمع، والفروقات الاجتماعية والاقتصادية والمناطق اللي هنبيع فيها منتجاتنا.
2- دراسة المنتج: دراسة السوق بتساهم بشكل كبير في تطوير المنتج بما يتناسب مع حاجات المستهلك سواء كانت خدمية أو تجارية أو ترفيهية.
3- خطط التسويق: خطة التسويق شغلها بيقوم على التعريف بالمنتج من حيث العمل على إبراز وتوضيح مميزات المنتج لأكبر شريحة ممكنة من المستهلكين أو العملاء وتحفيزهم على شراء المنتج.

في البداية يفضل أن يتم استهداف شريحة محددة أو صغيرة ويفضل أن تكون الأكثر حاجة للمنتج أو الخدمة، ومن ثم نتوسع وننتشر أكتر في السوق، وتعتبر الإعلانات الممولة اللي بتتم على مواقع السوشيال ميديا بشكل عام هي الأسرع في الوصول للشريحة أو الفئة المستهدفة.

وفيما هو قادم هنستكمل موضوعنا عن كيفية التسويق لمنتجاتنا بالشكل الصحيح والأنسب لمنتجاتنا وعملائنا..