TIME OUTT

اكتر البدل اللي العملاء بتختارها من عندنا ونالت اعجابهم 🤩👌

مش كل واحد لبس بدلة بقى شيك.. السر كله في الـ Fit المظبوط 👌

عشان تتأكد إن البدلة مرسومة عليك، ركز في 3 حاجات:

الكتف: لازم ينتهي بالظبط مع نهاية عظمة كتفك (لا بارز ولا مشدود).👌
الصدر: لما تقفل الزرار، لازم إيدك تدخل براحة بين القماش وصدرك من غير ما تظهر علامة (X).👌
الكم: لازم يظهر 1 سم من القميص، دي هي علامة البرنس اللي فاهم لبس، الخاتمة في Time Out، إحنا مش بس بنبيعلك بدلة، احنا بنظبطلك "الهيبة" بالملي.👌

البدلة الصح مش بس لبس شيك .. دي هندسة بتعيد رسم جسمك من جديد. 🔥

السر مش في سعر القماش، السر في "القصّة" اللي بتعرض كتافك، وتلم وسطك، وتداري أي ديفوهات وتخلي وقفتك دايمًا مفرودة. 👌

الجودة عندنا إنك تلبس بدلة تحس إنها "منحوتة" عليك بالملي، مش مجرد جاكيت وبنطلون. 🤩

لو عايز الانطباع الأول يحكي عن هيبتك قبل ما تنطق بكلمة.. اختار البدلة اللي منحوته عليك. 😉

البدله بترسم جسمك وبتديك هيبة ... فلازم تختارها صح !!!

السر دايماً مستخبي في الجودة اللي مفيش فيها تهاون، بتبان في "خامة القماش" اللي مش بتكرمش مع أول حركة، وفي "قصة الكتف" اللي بتظبط وقفتك وتخليك مفرود، وفي البطانة اللي معمولة عشان توفرلك راحة طول اليوم مهما كانت الضغوط. 👌
إحنا في تايم اوت بنهتم باللي العميل مش بيشوفه قبل اللي بيشوفه، من أول جودة الخيوط لحد اختيار الزراير اللي تليق بمقامك.
الجودة عندنا مش رفاهية، هي وعد بإنك هتكون في أبهى صورة في أهم لحظات حياتك، سواء كان اجتماع مصيري أو ليلة العمر.🤩

جزمتين لازم يكونوا عندك واساسي مع البدل الاساسية.

1- البدلة السوداء: مالهاش غير "الجزمة السوداء". أي لون تاني هيقلل من رسمية الطقم.
2- البدلة الكحلي: تمشي مع "الأسود" للرسمية، ومع "البني المحروق" لو عايز شكل شيك وعصري.
3- البدلة الرمادي: لو رمادي غامق خليك في الأسود، لو "رمادي فاتح" البني بيديها شكل ممتاز.

تريكايه مننا 😉: لازم لون الحزام يكون نفس لون الجزمة بالظبط .. دي اللي بتبين إنك فاهم وتفاصيلك مظبوطة. 😉🔥

اختيار الجزمة 90% من شياكة الطقم فلازم تختارها صح.
#بدل #بدلة #بدلات #جزم #جزمة

غلطتين بيخلوا شكل البدلة رخيص مهما كان سعرها غالي ! 😞

الجزمة هي أول حاجة العين بتقع عليها، وعشان كدة لازم تاخد بالك من نقطتين بيفرقوا جداً في شكل لبسك:

-الجزمة المربعة: الموضة دي انتهت تماماً وبقت بتبان قديمة جداً ومش شيك. ❌
خليك دايماً في الشكل المسحوب أو الدائري البسيط (Round Toe) لأن شكله أرقى وبيدي فخامة للطقم.
- الجزمة المطفية أو المقشرة: البدلة يعني نظافة، لو جزمتك مش متلمعة وشكلها نظيف، هتبوظ هيبة الطقم كله، لمعة الجزمة البسيطة هي اللي بتكمل الصورة.👌

استثمر في جزمة جلد طبيعي، هتعيش معاك سنين وهتريح رجلك في الوقفة الطويلة. 🤓

3 ألوان بدل لازم يكونوا في دولابك.. 🤎🤩

بتلبس بدله في الصيف 🤔

جرب الالوان الفاتحة زي: البيج، اللبني، الرمادي الفاتح، الألوان دي بتعكس الشمس وبتديك لوك هادي.

البدله شياكة البس صح ومتخلهاش تخنقك. 🥰🤎

عايز تخطف الانظار في اي مناسبة، 🤔مادام بدلتك من عندنا لازم تخطف الانظار في اي مناسبة 🤩

في الأفراح والمناسبات، أغلب الناس بتروح للأسود المعتاد، لو عايز تكون مميز وشكلك فيه هيبة وتخطف العين أول ما تدخل، جرب تخرج عن الصندوق بالألوان دي:

- الأزرق الفاتح او الغامق: لون قوي جداً، الفرق بينه وبين الكحلي إنه أفتح بيبان بوضوح تحت إضاءة القاعات، وبيدي طاقة وشياكة مش طبيعية.

- البيج الفاتح: اللون ده هو عنوان الفخامة، بيبان غالي جداً، وبيليق جداً مع قميص أبيض وجزمة سوداء. اختيار مثالي جدا لو في مناسبة تقيلة.

-الزيتي الغامق :من أرقى الألوان اللي طالعة موضة، لون هادي ورزين جداً، وفي نفس الوقت نادر لما بتلاقي حد لابسه، فبيضمن لك إنك تكون مختلف عن كل الموجودين.

-الرمادي السيلفر :لو المناسبة أوبن آير أو الصبح، اللون ده بيبقى خيالي.،بيدي إشراقة للوش وبيخلي شكلك مودرن وشيك جداً.

نصيحة: مهما كان لون البدلة اللي اخترته، أهم حاجة الظبطة (The Fit) لو البدلة واسعة أو طويلة بتبوظ جمال اللون، اتأكد إنها متفصلة على مقاسك بالظبط.

كل البدل اللي على مزاجك متوفره عندنا بكل المقاسات. 😉

رايح انترفيو ومحتار تلبس بدلة لونها إيه؟ 🧐

في المقابلات الشخصية، أول انطباع بيدوم، ولون بدلتك بيبعت رسالة غير مباشرة عن شخصيتك قبل ما تتكلم. عشان تضمن إن شكلك يكون احترافي ومناسب، خليك في الألوان دي:

1- الكحلي: ده الخيار الآمن والأفضل لأي انترفيو، اللون ده بيدي إيحاء بالثقة، المصداقية، والهدوء، بيخلي اللي قدامك يرتاح لك ويحس إنك شخص منضبط.
2- الرمادي الغامق: لون عملي جداً ورسمي، بيبين إنك شخص جاد ومنظم، وممتاز جداً لو الانترفيو في شركة كبيرة أو بنك.
3- الرمادي الفاتح: لو الشركة اللي رايحها نظامها كاجوال شوية، الرمادي الفاتح بيكون اختيار ذكي وشيك جداً وبيكسر حدة الرسمية من غير ما يفقدك هيبتك.

ابعد عن البدلة السوداء تماماً في الانترفيو لأنها بتكون حادة جداً ومخصصة للأفراح أو المناسبات المسائية، وخليك دايماً في قميص أبيض أو لبني فاتح مع كرافات سادة أو بنقشة بسيطة جداً.

بالتوفيق لكل واحد داخل على خطوة جديدة في حياته!🥰🤎