Coach Tarek

-كتير مننا لما بيعمل الانبودي مبيكونش فاهم معظم الحاجات اللي مكتوبة فيه وغالبا مش بيبص الا علي كام نقطة و هي الوزن و نسبة الدهون و نسبة العضلات و كمية المية و بيهمل باقي الحاجات رغم انها بتكون مهمة بردو فا تعالو نعرف ازاي نعرف تفهم كل حاجة مكتوبة في الانبودي و ايه الحاجات اللي المفروض نعملها قبل ما نعمل انبودي علشان نوصل لاكتر نتيجة دقيقة منه

- اول حاجة هي اننا لازم نعرف ازاي الانبودي بيشتغل
الانبودي بيشتغل عن طريق إرسال شحنات كهربائية لجسمك و طبعا بما ان العضلات بيبقي محتواها من المية اكتر من محتوي الدهون فا الشحنة دي بتمشي في العضلات اسرع من الدهون و دا لان نشبة المية في العضلات اكبر و بكدة الانبودي بيقدر يعمل حساباته و يعرف جسمك فيه قد ايه عضلات و قد ايه دهون و متركزة فين بناء علي سرعة انتقال الشحنة الكهربائية من خلال كل حتة في جسمك و علشان كدة مهم تكون حاطط رجلك علي السينسورز بالظبط و متكونش لابس شراب او كوتشي

- اول حاجة دايما بنلاقيها مكتوبة في الانبودي هي المية

TBW💧💧 ( total body water) : و هي نسبة المية في جسمك و دي بعض الناس بتتخدع فيها لانها بمجرد ما بتشوفها اعلي من الطبيعي بتقول جسمي مخزن مية بس لازم تعرف انك لو واحد عندك كتلة عضلية محترمة فا من الطبيعي انك تلاقي كمية المية مرتفعة شوية لان زي ما قولنا العضلات بيبقي فيها نسبة مية كبيرة فا دا هيكون شئ طبيعي جدا

- تاني حاجة بتقابلنا هي البروتين

Protien🍗🍖 : و دي بشكل بسيط معناها كمية البروتين اللي في جسمي و سواء انها اكتر من الطبيعي او اقل فا دا يدل علي ضعف نظام اكلك او كفائته من حيث كمية البروتين اللي بتاكلها فا هتقدر تعرف هل كمية البروتين اللي بتاكلها كفايا لجسمك ولا لسة قليلة

- تالت حاجة بتقابلنا هي الاملاح و المعادن

Minerals⚙️🛡️ : و دي في بعض اصدارات الانبودي متقسمة لقسمين هم osseous و دي تقدر تقول الاملاح الموجودة في العضم
و فيه ال non osseous و دي اللي موجود في اي حتة في جسمك غير العضم

- رابع حاجة بتقابلنا هي الدهون

BFM🥞🥯 (Body fat mass) : و هي وزن الدهون في الجسم بالكيلو و طبعا دي كل ما بتزيد كل ما بيبقي اوحش لصحتنا و شكل جسمنا

- خامس حاجة بتقابلنا وزن الجسم

Weight ⬆️⬆️: و هي وزن جسمك عامة من دهون لعضلات لعظام

-سادس حاجة هي العضلات

SMM🏋️🏋️ ( skeletal muscle mass) و هي وزن العضلات بالكيلو في جسمك بدون دهون يعني نقدر نقول عضل صافي

-سابع حاجة هي مؤشر كتلة الجسم

BMI 🕵️‍♀️( body mass index) و هي طريقة بنعرف بيها اذا كان الشخص دا مؤشر وزنه اكبر من الطبيعي ولا لا و بيكون دليل علي السمنة في حالة ارتفاع نسبة الدهون

-ثامن حاجة هي النسبة المؤية للدهون

PBF👀 ( percent body fat) و هي تعتبر بردو بتقيس كمية الدهون في جسمك بس بالنسبة المؤية

-تاسع حاجة و هي نسبة الخصر الي الورك

WHR👆👆 (Waist to hip ratio) و هي بردو طريقة بنقدر نقيس بيها نسبة السمنة في الجسم و لكن دايما ارتفاع النسبة دي بتدل علي ارتفاع نسبة الدهون في الجسم و انك معرض لامراض زي السكر و امراض القلب

🔰-و بكدة نكون عرفنا كل النتايج الاي بتجيلنا في الانبودي
بس قبل كل دا لازم تعرف ايه الشروط اللي لازم تعملها قبل ما تعمل انبودي

1️⃣- تقف قبلها ب ٥ دقايق متكونش قاعد و مرة واحدة تقوم علشان توزيع السوايل في جسمك ميتغيرش
2️⃣- متكونش واكل قبلها علي الاقل ب ٣ ساعات او تشرب قيلها بساعة إلا ربع
3️⃣- متكونش متمرن قبلها او شارب اي منتج فيه كافيين قبلها ب ١٢ ساعة
4️⃣- متعملش انبودي في جو سقعة او و انت سقعان لان دا بيأثر علي ضخ الدم في الجسم لان جسمك بيحاول يدفي نفسه و دا بيأثر علي النتايج
5️⃣- اقلع اي شراب او اي لبس تقيل او اي معادن من سلاسل او خواتم لان دا هيأثر علي الانبودي و مش هيخليها نتيجة صحيحة
6️⃣- و دي خاصةب للبنات اكتر انهم ميكونوش حاطين اي كريم او مرطبات علي أيدهم لان دا هيأثر علي توصيل الشحنة الكهربائية لجسمك و اللي هيأدي للتأثير علي النتايج
🎯👲🏻💪🏻