Samar Sugar

مواصفات الراجل النسوانجى :-
وتنطبق هذه المواصفات على الست بتاعة الرجالة :-

١- يهريكى اهتمام اتصالات ورسايل وبعد اسبوع او اربع ايام يختفى .
ليه بيختفى علشان فى نسوان كتير وبيشوف هتدورى وراه ولا لا
لما يختفىى اختفى انتى كمان وبطلى هبل اللى عايز يسأل يسأل اللى مش عايز ولا بهمك مش فى اهتمامك اصلا .

٢- بيغريكى يا بهدايا يابفلوس علشان لما يطلب اللى عايزه استحياء منك هتوافقى.

٣-غير مهتم بالمرة بحياتك ولا عايزك تعرفه عنه حاجة ولا يعرف عنك .
كل اهتمامه شوية هيافة وكلامه دائما ابدا عن الس*س يلف ويدور ويتكلم س*س .
حتى لو قالك عايز اتجوزك هو بيرمى هلب يا شبكتى فيه يا لا .

٤-كل نسوانه مجروحين عاطفيا يامطلقات يا ارامل ولازم يكون معاهم فلوس واستايل وولاد ناس علشان بعد كده هيصرفوا عليه .
حتى لو بيغرقهم هدايا فى بداية المعرفة .
ولو عرف بنت لازم يكون عندها مشاكل نفسية علشان يحكم قبضة سيطرته عليها .

٥- لازم يعزلك حرفيا عن تواصلك باصدقائك واحبائك وشغلك وكل حاجة حلوة فى حياتك لازم يبعدك عنها
عايز يعزلك علشان يسيطر عليكى .
والحجة اصله بيغير ب ** امه .

٦- ما عندوش اى ثقة بنفسه حرفيا ولازم يوقع النسوان الضعفية المكسورة فى شبكته.
مافيش واحدة بنت ابوها بتقع مش قوة ولا حاجة هى علامات استفهام بتنور وهى بتستقبل الإشارات المتضاربة وبتفهم انه لا .

٧-مش بيقعد فى علاقة ايا كانت اكتر من ٣شهور حرفيا ودى مدة كبيرة بالنسبة له فى نسوان كسر مجاريح كتير محتاج يضحك عليهم .

٨-معظم العلاقات عنده متزوجين برضه بالنسبة له افضل علشان لا تقوله خرجنى ولا يبقى عليه اى مسؤلية.
هما انواع كتير وانا هنا هحاول اذكر كل انواعهم بدراستى لعلم النفس و شغلى كمحامية .

٩- اول حاجة لازم تتقالك انتى طيبة اوى انتى بق .
وبرضه لازم يشكك فى نفسك لأحكام السيطرة .

١٠-دايما مشغول وماعندوش وقت ب**امه بس عنده وقت للس*س .

١١-ما تعمليش فيها منقذه وتقولى هغيره علشان هتدمرى نفسياً.

إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ
مافيش حد بيتغير
وماحدش يحاول يغير حد ، العفش هيفضل عفش الا لو تاب .

١٢-فى منهم بيسرقك وانتى مش واخدة بالك أو وانتى واخدة بالك .
علشان هو عارف انك هتسكتى لأنك ضعيفة.

١٤- الناس الحلوة كتير بس مش من على النت
ومافيش حاجة اسمها من يؤتمن على العرض
علشان ده تخلف عقلى .
الراجل لو ماحسش انه تعب وطلع عين اهله فى اى حاجة بيرميها لأنه صياد وبيحب يسعى ويتعب دى طبيعته .

١٥-هو بخيل ومعفن وبيرسم دور المصرف اللى هيغرقك فلوس .

١٦-الجواب بيبان من عنوانه اقرأي الأشارات .

مقولة الجواب بيبان من عنوانه حقيقية ماتجربيش وتضيعى وقتك
وقتك انتى اولى بيه .
ماحدش يضحك عليكى بهدية ولا ساندوتش علشان يسيطر عليكى
اتعالجى بدل هبلك ومرضك الوحيدة اللى بتتأذى انتى .

١٧ - تخصص قلب الترابيزة ويلبسك الطاسة والعمة بعد الأرتباط .

١٨-يقولك احتوينى اهتمى طلباته كتير أكتر من أهتمامه بيكى .

١٨- شكاك ومريض لأبعد الحدود.

١٩- قيمته الوحيدة شايفها فى عضوه الذكرى لازم يهتم بصحته جداا علشان ده اكل عيشه .
لو انتى شايفة قيمتك فى جسدك ممكن تنفعوا مع بعض بس بردوا انتى هتتأذى جدااااا وممكن يأدى لمشاكل صحية جسدية ونفسية
بس ده اختيارك وانتى حرة .

٢٠-اى أنثى بالنسبة له فتحة ما بين رجلين بتقول حاضر وبس ثورة فى ساقية عبيدة الجنس .


اى انثى محتاجة مساعدتى انا هساعدها وهقولها على الطريق وهى تمشيه .
بابى مفتوح لأى انثى اتأذت .

حلو ان كل العدد ده يشوف البوست بس مافيش مؤمن واحد قدم مساعدة ولا حتى بالشير
والكومنت الوحيد على البوست ده انا
شكرا يامصر
حتة بنت مش عارفين نوفرلها اكل
ولا شغل

محتاجين شغل يومى براتب يومى للبنت اللى متكفلة بيها ومحتاجين حد يوفرلها وجبتين فى رمضان
اللى يقدر يقدم ده يبلغنى فى رسالة حفاظا على خصوصية البنت