Vets & Paws

Happy Valentine's Day Paw's friends 🐾 🫂

بكل الحب هنتكلم عن الحب

وكما قالت الفنانة ليلي علوي (مش شرط أن كل اللي بنحبهم دول يكونوا الحبيب والحبيبة٠٠.ممكن يكون الأب والأم الأخت السديك ، الحيوان الأليف )

الحب بتاعنا مختلف،احنا بنتكلم في unconditional love يعيش العمر كله.

‏الحب بين البشر والحيوانات هو انقي أنواع الحب...اليفك بيحبك ومتقبلك في كل حالاتك سواء كنت( تخين/ رفيع/ ناجح /فاشل/ صالح /فاسد...الخ)

‏ انت مش مضطر تكون حد تاني غير نفسك لأن حقيقتك بالنسبه له كافيه جدا.

‏وعلشان كده في الطب النفسي في حاجه اسمها Animal therapy ودا نو ع من العلاج بيستخدم الحيوانات لعلاج امراض وظواهر نفسيه كتيره زي (التوتر- القلق- العصبيه -زهايمر -شيزوفرينيا-الاكتئاب-التوحد -الادمان....الخ) وبعض الامراض العضويه زي امراض القلب.( المصادر في الكومنتات)

ولو لاحظنا في السنين الاخيرة زادت البيدجات و الجروبات الخاصه بالحيوانات الاليفه خصوصا (القطط) والموضوع مش مجرد ترندات على السوشيال ميديا فقط، ولكن الاحصائيات العالمية بتقول ان اقتناء الحيوانات الاليفه في زياد كبيرة مستمره خصوصاً من بعد جائحه ( كورونا )واكثر فئة بيتم اقتنائها على مستوى العالم هي القطط.( المصادر في الكومنتات)

اكتر سبب مقنع بيفسر الظاهرة دي ان الصراع والمعاناة العالمية مع المادة والتكنولوجيا خلت العلاقات بين البشر مدمره يغلبها التهميش والنفاق والمصلحة....فاضطروا يلجأوا لكائنات عطوفه تديهم حب واحتواء حقيقي مقابل انهم بس يوفروا لهم أدني متطلبات الحياة (الطعام)

من وجهة نظري...الحيوانات مش بس نعمة من ربنا عشان تحافظ علي التوازن البيئي،الحيوانات بتحافظ علي توازن البشر النفسي .. بتحافظ علي نقاء واستمرار اجمل الصفات الأخلاقية !