Loka

منال سلامة عبر حسابها 💬 نداء لتجار وأغنــياء الحـ.ـرب اللي بيستغلوا الأزمـ.ـات ويخزنوا السلع. رفقاً بالناس، وبصوا حوالينا من كل اتجاه، أنا بجد مشفقة على القيادة السياسية اللي بتبني وتعمر في وقت العالم كله فيه كـوارث وحـ.ـروب إحنا لا ناقة لنا فيها ولا جمل.

يا ريت نخف على بعض؛ يعني اللي كنت بتكسب 1000 جنيه، محصلش حاجة لو بقوا 800 ، الشركات الكبيرة اللي بتكسب مليارات مش هيجرى حاجة لو كسبت أقل شوية، المهم الدنيا تمشي. بلاش فكرة الإيجارات اللي بتدبل والمحلات اللي بتغير نشاطها إحنا زمان كان المحل بيقعد بالخمسين ستين سنة عارفين المحل ده بيبيع لبن، المحل ده بيبيع عيش، المحل ده بيبيع كذا. النهاردة مفيش سنة سنتين المحل ألاقي النهاردة فرن عيش بكرة محل ملابس بعده كذا بسبب الغلاء الفاحش ،، مفيش حد دخله بيزيد بالسرعة دي ولازم نراعي ظروف بعض عشان المحلات دي بيوت مفتوحة.

حتى في المواصلات، لما البنزين يغلى بلاش تحملوا المواطن الغلبان زيادة فوق طاقته، ارحموا الست الشقيانة اللي بتنزل تساعد في بيتها ومش حمل زيادة مفاجئة. لازم تفهموا إنها دايرة؛ لو غليت الإيجار، السلعة هتغلى، والنقل هيغلى، وفي الآخر الغلاء هيرجع عليك أنت كمان وهتلاقي نفسك بتشتري حاجتك بالغالي.

إحنا في موقف عالمي صعب، ولو متكاتفناش كلنا وبقينا إيد واحدة، الأزمة هتطول الغني والفقير سوا.