Toot's Kitchen

#الكشري عشان يبقى مظبوووط اوي لازم يتعمل بطماطم فريش مش صلصة معلبة خالص.

#الصلصة بتتعمل بطماطم عصير وبصل كتيييير مفروووم ناعم اوي و ثوم..
#الصلصة بنحط فيها ربع كوباية خل ومعلقتين كمون ناعم صغيرين عشان يخلوا الطعم حلو اوي وممكن نستغني عن الدقة ،،الصلصة بتبقى كفاية..
#الحمص بنعمله فى حلة الضغط النص كيلو بياخد نص ساعة من بعد ما تصفر وبعدها نطفي عليه ونسيبها لحد مانغرف الكشري وبيطلع مستوي حلو أوي 👌🏻

#العدس نحط معاه فصين ثوم ومكعب مرقة دجاج بيطلع طعمه مجرم جداااااااا 😋

#البصل او الورد بتاع الكشري بنقطعه فى الكبة بالشفرة بتاعة الشيبسي مقاس 1 (عادةً بيجي مقاسين نختار اصغر مقاس) ،،بعد ما يتقطع يتحط فى مصفة ويترش عليه ملح عشان ينزل المية اللي فيه ،، وبعدها نعصره ونتأكد انه نزل اكبر كمية من المية ،،وبعدها نحطه ع حتة مطبخ نضيفة ويستحسن لو قطن ونضغط عليه عشان ينشف خالص و بعدها نرجعه المصفة تاني وتكون ناشفة كويس وتحط دقيق وننخله كويس ونقليه علي نار متوسطة لحد مايبقى لونه ذهبي ،،كده مش هياخد وقت كتير فى القلي ولا هيتحوق مننا 😉