Coach Rasha Diab

لو حاسة انك بتعملي كل حاجة صح معاه وهو مش بيقدّر جربي الحلول دي👇

بتقولي لنفسك: " انا غلطانة في ايه، ليه مش شايفني"
ومعلقة سعادتك عليه

لما حد ميقدّركيش، ده مش معناه انك مش كفاية أو انك مُقصرة، لكن معناه انه هو مش قادر يشوف قيمتك

☘️ أول حاجة: متلوميش نفسك، مش كل الناس عندها القدرة تشوف الجمال اللي ربنا خلقه جواكي

☘️ تاني حاجة: حطي حدود، أي علاقة من غير تقدير = استنزاف

☘️ تالت حاجة: افتكري دايمًا ان القيمة الحقيقية مش محتاجة "إثبات"، اللي يستحقك هيشوفك من غير ما تبذلي أي مجهود

💫 التقدير بيبدأ منك انتي، لما تقدّري نفسك، اللي حواليكي إما هيتعلموا يقدّروكي أو هيخرجوا من حياتك بهدوء

ولو استفدتي من البوست اكتبي comment 💞

#علاقات



#الكويت #السعوديه
#الامارات #دبي

3 أسباب تخليكي تعاني من التعلق
وازاي تصلحيها؟

سألتي نفسك قبل كده 💬 "ليه متعلقة اوي كده بيه ومش قادرة أعيش من غيره بالرغم انه بيأذيني؟ولحد امتى هأعيش مُحبطة ومتألمة؟"😔

هاقولك أهم الأسباب:
1️⃣ الجوع العاطفي:
يعني من وانتي صغيرة مش حاسة بحب أو احتواء أو أمان فتكبري وعقلك اللاواعي بيدّور على الأمان، التعلق هنا بيكون تعلق بالشعور مش بالشخص

2️⃣ انخفاض التقدير الذاتي:
يعني رأيك في نفسك لو منخفض بسبب معتقدات سلبية اتكونت في الطفولة زي مثلا انا مش كفاية، أنا مش متشافة

3️⃣ الخوف من الوحدة أو الرفض:
بتتمسّكي بالشخص حتى لو العلاقة مؤذية، لمجرد انك متبقيش لوحدك

التعلق بيكون زي القفص اللي بيمنعك تعيشي

طب في حل؟ ايوه اكيد🥰

✅️ اعملي تمارين تنفس عشان تساعدك توقفي تفكير في الشخص

✅️ اعترفي بمشاعرك واسمحي لنفسك تعيشيها واكتبي عنها

✅️ اكتبي عن نقاط قوتك وانجازاتك وحاجات بتحبيها في نفسك

✅️ اطلبي مساعدة
لو حاسة ان التعلق شديد ومؤثر قوي على حياتك، الجلسات بتساعدك تفكي الجذور اللي مسبباه
عشان تخرجي برا دايرة الأذى وتركزي مع نفسك وتشوفي ازاي بتلاقي نفسك من تاني وانتي مرتاحة ومطمنة 🤗

اعملي share عشان الكل يستفيد💞

#علاقات

3 حاجات نفسك فيها، نفسك زوجك يشوفك ويحس بيكي ويقولك كلمة حلوة

بتكلمي نفسك وتقوليلها: "نفسي مرة يحس بيا، يقولي كلمة حلوة من غير ما أطلب، من غير ما أستناها"

أصعب احساس مش انك مش لاقية حد حواليكي ،أصعب احساس انك معاه بس حاسة انه مش شايفك
تتمني كلمة حلوة… نظرة تقدير… حضن يطمنك انك لسه مهمة

لكن كل يوم يعدي، السكوت والبعاد بينكم بيزيد وكأن وجودك شيء عادي

بس اللي محدش قالهولك قبل كده ان احتياجك ده طبيعي جدًا
انتي إنسانة، محتاجة تتشافي وتتقدري وتحسي انك مرغوب فيكي

ويمكن أول خطوة انك انتي اللي تبدأي تشوفي نفسك… وتسّمعي نفسك الكلمة اللي نفسك تسمعيها
لما تحبي نفسك بجد وتحسي بالأمان 🤗 احتياجك وتعلقك بكلمة أو نظرة منه هيروح، وسواء موجود أو لاا انتي مُكتفية، شبعانة حب ومطمنة
ولما توصلي لليفل ده
guess what? 😄
هو اللي هيبقى عايز يتكلم ويعد معاكي 🥰

للاستفسار وحجز الجلسات: inbox💌

#علاقات

⁉️كام مرة اتمنيتي تبقي هادية معاه

لما اشتغلت مع عميلتي في الجلسة قالتلي انها زعلانة من نفسها لان لعب ابنها بيضايقها اوي وكتير بتتعصب عليه

كل ماتسمع صوت الكورة ⚽️ وهو بيلعب بيها مش عارفة ايه اللي بيحصل ؟ تعد تزعق وتصرخ في وشه والولد يخاف ويعيط وبعدها يصعب عليها وتعد تعيط هي كمان لانها ندمانة على اللي عملته مع انها فاهمة ان اللعب مهم عشانه وان اي طفل في سنه طبيعي انه يلعب

عارفة لما تعدي تقولي لنفسك انا أُم فاشلة عشان مش عارفة اتعامل صح مع ابني بس مش عارفة المشكلة فين بالظبط؟😔

✨️لكن بعد ماعرفت سبب عصبيتها وعبرت عن مشاعرها جوا الجلسات ارتاحت وهديت بشهادة كل القريبين منها وهي بنفسها شافت التغيير اللي حصلها مع ابنها لما بقت تقضي وقت معاه يلعبوا مع بعض 🥳🥳🥳
واتعلمت تتعامل مع انفعالاتها بالرغم انه لسه صغير وكتير قالولها تربية الاولاد صعبة

لكن دلوقتي نظرتها اتغيرت اول ما عرفت ان مفيش حاجة صعبة لما نتعلم🎉🎉🎉

👩‍🦰لو بتواجهك نفس المشكلة وبتعاني من العصبية اكتبيلي كلمة (مهتمة) وهابعتلك التفاصيل💞

#علاقات