Omnia Elsayed
Share
Contact information, map and directions, contact form, opening hours, services, ratings, photos, videos and announcements from Omnia Elsayed, Digital creator, Cairo.
02/05/2025
عايز أحذر اخواتي البنات من المصيبة اللي بيعملوها ومش واخدين بالهم منها
بخصوص البرنامج اللي اسمه شات جي بي تي (Chat GPT)
البنات بقت بتستخدمه في أمور غريبة .. اللي عملاه طبيب نفسي وبتحكيله أسرارها الخاصة
واللي بتتعامل معاه كأنه خطيبها أو جوزها بالنسبة للكلام الخارج وكده
ووصل بناس بتبعت صورها علشان يقيمها سواء من حيث اللبس أو غيره
يا جماعة خبراء التكنولوجيا الحديثة أكدوا ان البرنامج ده بيحفظ كل المعلومات وبيستخدمها ضدك في وقت ما .. لأنه خطير جدًا جدًا
البرنامج ده تستخدموه فقط في البحث عن مسألة علمية
يترجمكلك جمل معينة .. يصححلك أخطاء نحوية أو كتابية
يقدملك نصائح يومية و و و
لكن الأمور التانية دي لازم تخلوا بالكم منها
احذروا وحذروا اخواتكم بالله عليكم .
02/05/2025
بعد ميرجع من المَدرسة أو الحضانه ، بعد منرجع من تجمع عيلة أو صحاب ، بعد ميقضوا وقت بره البيت لوحدهم ، بعد خروج أي ضيف من بيتنا ، بعد منسيب الولاد فترة مع حد غيرنا !!!!!!!
بحب أسمعك احكيلي يومك انهارده !
حد ضايقك وانت بره ؟
حد خد منك حاجتك ؟
حد خدك لوحدك بعيد عن أصحابك؟
حد خوفك بحاجة ؟
حد قالك متقولش لماما أو بابا ؟
هنروح المكان ده تاني ولا هتبقي مضايق ؟
تحب تقابل الشخص ده تاني ولا مش عاوز ؟
دي أسئلة وواجب يومي لازم تعمليه مع ابنك أو بنتك من غير ميوصلهم خوف أو رعب من وراها ! ....لازم ...
حسبي الله ونعمه الوكيل 💔💔💔
فلان سافر وما قالناش..
ليه كنت ناوي توصله على المطار؟!
كنت ناوي تساعده بتكاليف السفر؟!
فلان عمّل بيت وما جابش سيرة..
كنت ناوي تاخدله قرض على اسمك؟ ولا تطلع الرمل والأسمنت للدور التاني علي ظهرك ؟
فلان طلع هو وقرايبه رحلة وكأننا مش موجودين..
ليه كنت ناوي تشتريله لحمة للشوي ولا تحجزله فندق على حسابك؟!
فلان خطب وما قالناش..
كنت ناوي تجيب الجاتوه ولا ترقص علي اغنية يا دبلة الخطوبة
افرح لفرح الناس ، وازعل لزعلهم ومتسألش بالتفاصيل ولا تتفلسف وتتدخل ،
كل واحد عنده ظروفه وهم يكفيه ويفيض منه ، متستكتروش الفرحة على الناس ،
ادعي بالفرحة لغيرك حتى يرزقك الله فيها
Click here to claim your Sponsored Listing.
