Abdullah Sakr
Share
Contact information, map and directions, contact form, opening hours, services, ratings, photos, videos and announcements from Abdullah Sakr, Public Figure, Cairo, .
قُدْسُنَا قُدْسُ العُرُوبَةِ مَا بِكَ مِن دَاءٍ
أَمَرِيضٌ أَنْتَ بِالْعَجْزِ وَالضُّعَفَاءِ؟
أَمْ مَرِيضٌ أَنْتَ بِالْيَأْسِ وَالْبُؤَسَاءِ؟
أَمْ عَلِيلٌ بِالْوَحْدَةِ مِنَ الْأَخِلَّاءِ؟
لَكَ اللَّهُ يَا قُدْسُ، لَكَ اللَّهُ
مِنَ الْعَجْزِ وَالضُّعْفِ وَالْبُؤَسَاءِ
شُهَدَاؤُنَا فِي الْقُدْسِ يُزَفُّونَ أَحْرَارًا
شُهَدَاؤُنَا عَاشُوا كِفَاحًا صَامِدِينَ
لَا رُكُوعَ خَائِفِينَ مِنَ السِّلَاحِ
نَارُكَ يَا قُدْسُ جَنَّةٌ وَرَوْضَةٌ وَعِزَّةٌ
يَبْتَغِيهَا بِشَوْقٍ كُلُّ مُشْتَاقٍ
تَرَكُوكَ وَحِيدًا يَا قُدْسُ لَا تَيْأَسْ
فَنَصْرٌ قَرِيبٌ وَإِنْ طَالَ ظُلْمُ الْأَعْدَاءِ
كُفَّارُ الْغَرْبِ قَدْ نَصَبُوا النَّعْشَ وَاتَّحَدُوا
وَرِجَالُ الْعَرَبِ قَدْ هَانُوا وَرَكَعُوا
فَرِجَالُ الْعَرَبِ قَدْ مَاتُوا
تعالى نشوف مستواك في الصلاة وصل لحد فين؟
💜 المستوي الأول .. مرحلة " *العِبء* " .
الإسم براهو كفاية؟!
م بس بتحس انو الصلاه تقيلة عليك .. لا انت بتلاقي كل الأسباب مُيسّرة انك تصليها ..
بس إنت للأسف بتطلع أعذار عشان م تصلي مثلا
انا لسه ح اتوضّى!؟
طيب بعد الأكل ح أصلي !
طيب اخلّص الفي ايدي بس و أصلي !
ضيعت العصر !! ح ابدأ من بُكرة تاني ان شاء الله!
ألتزمت بالصلاة أسبوع .. و تضيّع ١٠ بعدها بس بتجاهد عشان م تنقطع عن ربنا .. و مرة تنجح و كتير لا ..
إنت لو كنت هنا عاوز أسألك بالجد في شنو أهم من ربنا؟!
ح تقول لي م في حاجة
طيب ربنا بيناديك و كمان خصص ليك زول وظيفته إنو ينبهك للصلاة و يقول ليك حيّ على الصلاة يعني هلمَّ و تعال عشان تقابل ربك حيّ على الفلاح فلاح الدنيا و الآخرة
و إنت بتقول م داير ؟! ليه يا جميل لكن ؟!
أسي م فات حاجة أول حاجة تعملها و أهم شي تعمله إنك تتوضى و تصلي ركعتين كدا توبة لله عزّ وجل لااااازم تمام🤍✨
💜 - المستوي التاني .. " *المُراءاة* "
بتواظب على الصلاة و راضي عن نفسك جداً .. لا و كمان بتلوم الناس الما بتصلّي و بديت كمان تُظهر صلاتك للناس و كأنك بتُبرِء نفسك من تُهمة ترك الصلاة .. نفسك تقول للكون كُله
*انك خلاص م بقيت تارك للصلاة ..*
الغزالي بيتكلم عن خطر المرحلة دي و بيقول الشيطان بدخُل ليك من باب انك مُنافق و مُرائي و انك لازم تصلي لمن تكون مقتنع و مؤمن و مُخلص للصلاة و بس .. و رد الغزالي هنا .. *صلِّ
*صلِّ* اوع تخليها .. حتّى لو مُرائي عشان لو في جزء صغير فاسد في قلبك *الصلاة* *تُصلِحُه* .. و م ينتصر عليك و يُكمل فساد باقي القلب بما تبقّى من ترك للصلاة 🤍✨
💜المستوي التالت .. " *اسقاط* *الفريضة* ".
بدأت تتخلّص من مُرائآتك و بديت تشوف انو الصلاة أصبحت مسؤولية عليك و ح تُسأل عنها ، و دايما في بالك " *فويلٌ للمُصلّين الذين هم عن صلاتهم ساهون* " ..و انت م عايز تبقى من الناس ديل .. فبتصلّي عشان تُسقط الفريضة ولو م مركّز ولو تعبان ولو مستعجل ولو بدون خشوع .. بتصلّي عشان الفريضة ..
و تاني يدخل ليك الشيطان يقول ليك دي صلاة دي ؟ انت كدا راضي عن نفسك ؟ .. الغزالي بيقولك : *صلّ* .. طالما أركان الصلاة صحيحة و خلي قبولها من عدمه على الله🤍✨
:💜المستوي الرابع .. " *التعوّد* 🤍.
الصلاة أصبحت عادة و بقيت بتعملها بدون تفكير ولا تدبير ولا قرار .. أول حاجة تفكر فيها تلقائي : أنا علي صلاة ؟
أنا فايتاني صلاة ؟
و قبل م تطلع من البيت بتتوضّى و كُل م وضوئك يبطل تفكر انك تتوضى في أسرع وقت عشان تكون جاهز دائماً للصلاة 🤍...
ربنا يثبت الناس الـ في المرحلة دي و يشدو حيلهم عشان يخشو المراحل الجاية 🤍✨
💜: المستوي الخامس .. " *المناجاة* "❤️🩹
انك كُل م تقع في مشكلة أو يحصل ليك حاجة بيتملكك حالة الشكوى لله .. و الدُعاء و طلب العون و أحيانا التيسير في الأمر ..قبل كدا كنت بتصلّي و انت مُعتقد ان الصلاة لله لأنه فرضها *و تكتشف وقتها انك بتصلّي لأنك انت المُحتاج و انت البتجري على الفرصة الـ ح تقربك من ربك و انت ساجد .* . عشان تدعي و عشان تبكي أو عشان تشكره و تحمده ..🤍🤍
ي سلااااااااااام على الناس الـ هنا
ي سلاااااااام ياخ🥺🤍🤍
💜: المستوي السادس .. " *ارحنا بها يا بلال"🤍🌸*
بتصلّي الفروض و بتحب النوافل .. بتلاقي نفسك م بتضيّع فرصة بتسجد فيها لله .. حابي الصلاة و خاشع فيها لأنك مُدرك حالياََ انك في حضرة الله .. و في كنف الله و في رعاية الله🤍🤍✨
💜💜 المستوي السابع و الأخير .." *المعيّة* "❤️🩹❤️🩹❤️🩹
اللي ربنا قال فيها لسيدنا النبي
" *و اسجد و اقترب* ✨"
و دي بأختصار ..من فقد الله ماذا وجد !!
و من وجد الله ماذا فقد !!
أولوياتك في الحياة بتتغير ..تصرفاتك بتتغير ..أخلاقك نفسها بتتغير .. يهبك اللهُ نُوراً من نورِه ..و جمال من جماله و حكمة من حكمته ..و رحمة و مغفرة من لدنه
متخيل إنت ؟! 🥹🤍🤍🤍
الصحابي ربيعة بن كعب الأسلمي لمن مشى لسيدنا النبي صلى الله عليه و سلم و قال ليهو عايز عمل يدخلني الجنة، فقال له ( أعني على نفسك بكثرة السجود.)🤍
عشان كدا البيصلي بإتقان عمرو م ح يعاني من اكتئاب ولا مرض نفسي ولا تسود الدنيا فى وشو ولا عمر الدنيا تكالبت عليه بالهموم أبدا لأنو في معية ملك الملوك و معية الخالق🤍🤍✨
