Radwa Rostom

الخذلان مش موقف واحد… الخذلان بيبدأ بوعد صغير ما اتنفذش، بكلمة كانت محتاجة تتقال وما اتقالتش، بحضور كان لازم يكون موجود وغاب.

ومع التكرار… حاجة جوا الزوجة بتتغير.
الثقة ما بتنهارش فجأة، هي بتتآكل بهدوء، مرة ورا مرة، لحد ما توصل لمرحلة إنها تبقى مش قادرة تصدّق نفس الشخص اللي كانت بتحس معاه بالأمان.

المشكلة مش في الغلط نفسه… المشكلة في تكراره، وفي إن الإحساس بيتحول من “معلش” لـ “ليه؟” لـ “خلاص مش فارقة”.

أصعب حاجة إن الزوجة تفضل تحاول تصلّح، وتدي فرص، وتستحمل… وفي الآخر تكتشف إن اللي اتكسر جواها مش سهل يتصلّح.

الخذلان المتكرر مش بيهدم لحظة… ده بيهدم شعور كامل بالأمان.

وأي علاقة من غير أمان… بتفضل واقفة، بس من غير روح.

نحن لا نحب الوِحدة ولكننا أصبحنا نرتاح فيها أكثر
‏ربما لأننا نشعر أنها أكثر أماناً لقلوبنا

‏الوِحدة تخلو من الخذلان و خيبات الأمل
‏العزلة حياة أخرى هادئة كلها طمأنينة وسلام بعيداً عن ضوضاء وضجيج البشر

Wessam Farouk ورقة عمل / تحديات امرأة ..د.رضوى رستم