Cast+ Tunis

🔸 فيصل بالزين حكى على كواليس “الخطّاب على الباب” وقال إلّي المشهد متاع الكف كان لازم يبان طبيعي برشا، و رغم التردّد في الأول، أصرّ باش يتصوّر بواقعيّة أكبر.

🔸 وتحدّث زادة على ظروف الخدمة زمان، وقال إنّو رغم الإمكانيّات المحدودة وقتها، حقوق الممثلين كانت توصلهم كاملة ومنظّمة سواء في الإذاعة ولا التلفزة الوطنية.

🔸 وعن نجاح “الخطّاب على الباب”، أكّد إلّي فريق العمل تلقّى مكافأة إضافيّة بعد النجاح الكبير للمسلسل، كتقدير للمجهود والإبداع إلّي قدّموه.

🔸 كما وصف أجواء تصوير “شوفلي حل” بالعائلية، وقال إنّ العلاقة بين الممثلين كانت قويّة برشا، واللمة والضحك ما يفارقوش الكواليس.

🔸 وتذكّر الراحل سفيان الشعري بكلّ تأثّر، وقال إنّهم كانوا أصحاب مقرّبين ويتقاسمو يوميّاتهم بين التصوير والمسرح.

🔸 فيصل شدّد زادة على إلّي محبّة الناس أهمّ عندو من الشهرة، واعتبر إنّ التقدير الحقيقي يبان في معاملة الجمهور للفنّان في الشارع.

🔸 وكشف إنّو رفض المشاركة في عمل كوميدي مؤخّر، على خاطر حسّ إنّ الدور ما يشبهوش وما ينسجمش مع قناعاتو ومسيرتو الفنيّة.

🔸 وختم كلامو بالتأكيد إنّو بعد أكثر من 40 سنة فن، ما عادش يهمّو الظهور بقدر ما يهمّو يقدّم أعمال تليق بتاريخو ومحبة الجمهور ليه.