Knowledge on Animal Rescue - KAR

لو الكلبجية هما اللى بيختاره الرحمة.. شكرا.

#الكلبجية #كلبجية

مش حنبطل نأكل ونساعد حيوانات الشارع.
طمعا فى ثواب ورضى ربنا اولا.
ودة اهم من رأى اى حد واى trend.

لكن ممكن نحاول نراعى على قد مانقدر اننا نلاقى حل وسط.. اننا نأكل بعيد عن مدخل العمارة.. اننا نعقم الحيوانات اللى نرعاها عشان العدد مايزدش.. نعمل اللى علينا.

فى ناس عمرها ماحتبطل تحارب وجود الحيوانات ومساعدتهم. بس فى ناس كتير لما تشوفك بتعمل اللى عليك، تشوف انك بتحاول تلاقى حل وسط، تشوف أسلوبك.. حتقدر.

التطرف فى التفكير موجود فى كل مجال. الانانية والغل والكره موجودين.
بس مش دى مصر.

مصر فيها ملايين من الناس متعايشة مع الحيوانات و ناس كتير جدا بتراعيهم وبتأكلهم او حتى بيحطوا ليهم مية. شعب مصر رحيم.

وبالنسبة للمتطرفيين والاحداث اللى فيها عنف او اعتداء ضد الحيوانات، بيتم القبض عليهم على طول.

نأمل فى قوانين اقوى للتصدى للاعتداءات دى ولحماية كائنات مصر من الناس المريضة اللى بتبتدي بالاعتداء على الحيوانات وبتنتهي بالاعتداء على البنى ادمين منهم الاطفال.
نأمل فى توعية اكتر وتعليم عن الرحمة واهمية وجود حيوانات للبيئة اللى احنا عايشين فيها.
نأمل فى نظام يحمى الانسان والحيوان.

#كلبجية