MYS store

عارفين الاكتئاب المنجز 🥹 فاكرينوا 🧐

أنا جاية أقولكم سر 🤫 خطيييير تانى 🤗
عايزة أقول لما تزعل حد غالى عليك....!!غالى هه ✨
وإنت واثق انوا بذل معاك مجهود لتحملك والوقوف جنبك والتجاوز عن ذلاتك وملزاتك 🧐
أوعى تخلى وقت الزغل يطووووووول...حاول مرة واتنين وعشرة ومليون عشان يسامحك...عارف ليه 🤔 عشان مصلحتك إنت بردوا 👍 ازاى ؟!....تعالى أقولك 🤷
لما بتزعل حد غالى عليك معناها إن أكيد الغلاوة دى مش من فراغ زى ما قلنا أول الكلام فوق 👆 يعنى يستاهل حبك يعنى مش هتعرف تعوضه....
لما مش بتحاول تصالحه وتبذل مجهود...بتسيبه لدماغه ✨
💔ف الشرخ ال سببته ف قلبه ❤️‍🩹ممكن كان يتلم ويلتأم بمحاولتك وتنتهى القصة ونفضل حبايب ❤️ بس إنت سيبته هان عليك وجعه... أو كبريائك منعك... أو محاولاتك كانت ضعيفة... أو كرامتك وجعتك لما شفت ردة فعل عنيفة منه....المهم 🤷 أيا كان السبب!!!...ف إنت سيبته لدماغة ال قعدت توصل الشرخ ال حصل بينكم 💔 بشرخ صغير كان قريب منه 🤷 والشرخ الصغير القريب ده كان جنبه كام شرخ نتيجة التعايش العادى ال بين الناس 🥹 وشروخ توصل لشروخ وتفتح جروح والجروح توصل لشروخ جديدة 🫣 لغاية الغالى عليك ده 🧐 ما يبقى كأنه لم يرى منك طيب ☺️لانوا هان خلاص...وكمان الشروخ القديمة اتوصلت ببعض ووسعت...وده يخليه يشوفك بشكل جديد خااااااالص... وإنت نفسك تتعجب وتقول هو أنا عملت إيه يعنى لكل ده دى حاجة بسيطة وتجاوزنا أصعب من كده بكتييير 🤔..لأ يا حبيب....ما هو ال تجاوزه زمااااااان سبته إنت يرجعه ويعيشه ،سيبته يشوف نفسه وهى بتتعذب ومش فارق معاه ،سيبته يشوف القوة ال فيه وعشانك أتنازل عنها ،سيبته يتألم ألم إنت شايفه بسيط وهو شايفة عميق عمق السنين ال بينكم 💔 ف حضرتك تشعر بعد ما النار أكلته كله إن لازم يكون فيه حل ✨....تيجى بعد العود الأخضر م ينشف وجذوره تنشف عايز تسقيه ماية 😂 خلاص يا شاطر نشف....خلاص يا حبيب بقى رماد.....علاقتك أصبحت بالنسباله تجربة قاسية خرج منها حى💃 إن كان قوياً من الأساس تعامل معك وكأنك لم تكن في حياته يوماً ما 🥹 وإن كان ضعيفا عاش يتذكر آلام الجروح إلى أن يقابل من هم أرحم به منك 💐.......
عشان كده بقولك لما تزعل حد غالى عليك أجرى عليه وحاول ألف مرة...مليون مرة إنك تحتفظ بيه لأنه كان زى ما قلنا فوق 👆حبيب بدرجة وفاء مع مرتبة الشرف الأولى....غفر لك ما كنت لن تغفره له لو تبادلتم الأدوار ❤️‍🩹


#خواطر
#علاقات - #اسرية- #اجتماعية
#ابداعات

انتظروا قريباً حلقات تعليمية لوحدات الكروشية الأيرلندى ✨💐