Shereen Adel - B Happy

مساكم جميل
عُمركم علمتوا حد السواقه ؟
انا علمت 🙋🏼‍♀️
و كالعاده فيه حاجات شبهتها بحاجات اتعلمتها قلت اشاركها معاكم ☺️☺️

و احنا بنعلم حد السواقه بنبدأ كده شفوي بوقيقي
بص يا سيدي او يا ستي
السواقه عبارة عن دريكسيون و ڤيتيس و مرايات في دواسه كبيره و مهمه اوي اسمها فرامل

لو مانيوال بنعلم دبرياچ و نقلات
لو اتوماتيك بنعلم الحروف معناها ايه💪🏻

نيجي بقى للعملي
بنلاقي المُتعلم محتاس 🙆🏼‍♀️
اعمل ايه بقى

ف يا إما بنقعد مكان السواق و نوريله عملي. يا إما بنقعد جنبه و نسمّع نفس التعليمات تاني مع شويه تكرار و شويه اضافات🤷🏻‍♀️😀
و بس كده دورنا حدوده هنا 😬

🌀لما بنقعد جنب السواق احنا مش بنقدر نمسك الدريكسيون حتى لو سندناه او عدلناه آخرنا بنساعد لكن اللي ماسك الدريكسيون و عامل كونترول فعلي هو المُتعلم اللي بيسوق

و ده بظبط هو اللي بنتعلمه
👏🏻👏🏻👏🏻You can only control yourself👏🏻👏🏻
انت بتقدر بس تتحكم في نفسك تصرفاتك رد فعلك افعالك
احساسك
لكن حقيقي ملكش اي كونترول باي شكل عالاخرين🤷🏻‍♀️
حتى لو ولادك مفاجئه صادمه صح 🤦🏼‍♀️😉

اومال
احنا مع الاخرين بنقدر بس
🌀🌀نأثر فيهم

يعني في التربيه
بنقعد احنا الاول في كرسي القياده و بنمسك احنا الدريسكيون و ولادنا بيبقوا ولا اجدعها رادار بيلقطوا مننا كل تصرف بنتصرفه و بيقلدوه و بيتطبع في الذاكرة و يطلع وقت اللزوم

و بعدين بنقوم من كرسي القيادة و بنبتدي نعمل تعديلات شفهيه الا و هي التربيه و التوجيهات و دمتم🙄

منقدرش يبقى لينا كونترول حقيقي هيفكروا ازاي
و لا لو احنا قلنا الحاجه عشرتلاف مره مقدرش ابقى ١٠٠٪؜ متاكده انه مش هيغلط و مش هينسى 🤢

🌀🌀🌀الدايرة التالته بقى هي دايرة ال concern او حاجات شغلانا و شاغله تفكيرنا

و دي الحقيقه بقى لا بعمل عليها سيطرة و لا بقدر اتحكم فيها و لا بقدر ااثر عليها و لا هي في ايدي اصلا🙃

بيرجع الموضوع تاني ل تحكمي في تصرفي و رد فعلي و افعالي اللي ممكن من بعيد تأثر و تنعكس عالحاجات دي

زي مثلا موضوع الازمة الاقتصاديه العالميه
كل اللي اقدر اعمله اني اغير تفكيري او اعدد مصادر الدخل. ممكن اااقل نفقات في حاجه افكر بطريقه جمعية و اهدي نفسي من الشعور المستمر بالتوتر من اللي جي و دمتم 🤷🏻‍♀️

مهما بقى هريت و نكتت و قلقت و اتوترت
ده مش هيغير في الوضع الخارجي حاجه و لا هينقله جوه دايرة تحكمي

بس اما اقدر اتحكم في رد فعلي و امسك دريسكيوني
ان شاء الله ربنا يوصلني بالسلامه على ااقل و انا بعقلي و بصحتي خصوصا النفسيه
الاسلم

و

و #اترك #اثر #طيب بالاخرين
صح و لا ايه رايكم ؟ 😉


#كنتروا
#ايدك و #الدريكسيون
#دواير
#تأثير
#تحكم
#الحمدلله
#شكرا

#الحمدلله

قالولنا

ما تسمعش ابدا من طرف واحد

مهما كنت حيادي غصب عنك هَتكون وجهة نظر

اللي بيحكي مهما كان امين هيحكي بطريقته و مفاهيمه و مشاعره

متفقين 😉

طيب

لو الموضوع بيني و بيني مين هم الطرفين ؟!🙃

لو انا شفت حاجه او سمعت حاجه او حصل معايا حاجه

طرف منهم هو افكاري و مشاعري و ذكرياتي و ترجمتي للموقف

الطرف التاني هو
اللي حجته معاه 🤷🏻‍♀️
الشخص اللي له نيته اللي معرفهاش
اجابه عن سؤال انا مسألتوش

و يمكن يكون

مرونة انا مستخدمتهاش
تفتيح مخ اصريت اني اقفله
اقتناع قلبته عقيده و مراجعتش نفسي فيه
ناحية تانيه هشوف منها الموضوع بشكل تاني و انا اصريت اقف في ناحية وحدة

المهم يعني

خلي بالك من الطرف التاني
عشان اغلب المشاكل بتيجي من عنده 😉😉

#شكرا
#الحمدلله


#مسئوليتي
٤٤_و_ماشية_في_ال_٤
positive_mindset