Chef Moory

ليه الكيكة ممكن تفشل ؟؟؟

1- نوع الدقيق مهم جدا جدا جدا جدا علشان الكيكه متهبطش وتبقى هشه يعني ممكن كل المكونات تمام والطريقه بس الدقيق يبوظ كل دا فلازم نستخدم دقيق كيك يكون مكتوب عليه كدا مش ( متعدد الاستعمالات) لان كثافة الدقيق بتفرق جامد كدا لو تقيل الكيكه مش هتتنفش ومش هتبقى هشه وانصح للكيك تستخدموا ( five start fot cake) اما المعجنات زي خليه النحل او السينابون فانصح ( five starts for all purpose ) بجد النتيجه بتبقى مختلفه وهشه جدا وقطنية
2- نوع البيكنج بودر مهم جدا نختبره قبلها في شوية ميه سخنه لو فار وعمل رغوة يبقى تمام ويفضل انواع زي فوستر كلاركس والاهم نختبرها ونتأكد ونقفل العبوة كويس بعد الاستخدام
3- الفرن لازم يبقى سخن قبل ما ندخل الكيك درجه حرارة 180 او على حسب فرنك ممكن يحتاج 190 كمان الاهم يكون سخن ومنفتحش اول 25 دقيقه علشان متهبطش
4- الضرب بالمضرب مهم جدا جدا جدا يعني في نوع كيك عملته الفرق اني ضربته مره في الخلاط والتانيه في المضرب الكهربائي وفرقت ان الاول الكيكه هبطت والتانيه نفشت وبقت ناجحه ودا كان الفرض الوحيد فعامل الهوا ودخوله للعجينه في الضرب بيفرق جامد وبيتأثر بشكل جذري في نجاح العجينة ونفشة الكيك
5-ضرب السكر كويس مع البيض في عجينة الكيك مع الفانيليا بيساعد ان ميبقاش في زفاره وممكن نزود بشر ليمون ناعم يدي نكهه منعشه وتتطمني ان مفيش زفاره ( ساعات نوع البيض نفسه بيكون وحش وزفارته قويه ودا بيبقى ليه علاقه بطريقه الحفظ وجوده البيض)
6- انجح نوع صواني للكيك والمعجنات هي الالومينوم وبيوزع الحرارة بشكل متوازن ومتتحرقش

https://www.instagram.com/moorys_cookies/

تابعوا هذا الحساب على الانستجرام ^_^