Street Hawks crew

الكويلات (المباين) و انواعها

الكويلات هي مكون رئيسي و حيوي للمواتير علشان تشتغل حيث أنها مسؤولة مباشرةً على توليد الشرارة في البوجيهات ليتم احتراق خليط الوقود و الهواء..
فهمك لأنواع و طريقة عمل الكويلات شيء ضروري علشان تفهم موتورك اكتر و تقدر تشخص العطل لو عندك عطل في كويلات موتورك.

أولاً. نقدر مبدئياً نتفق اننا حنتكلم على المواتير ال 4 سلندر ال شغالة ب ترتيب اشتعال (1-3-4-2) لتبسيط الشرح.

ثانياً. نقدر نقسم المباين او الكويلات لنوعين اساسين هما

1- Wasted Spark
2- Coil on plug (CoP)

النوع الاول كما هو موضح بالصورة الأولى.. و ده في الغالب بيكون كويل واحد طالع منه 4 مخارج للبوجيهات
او كويلين فقط كل واحد خارج منه مخرجين للبوجيهات

النوع ده فيشته بتكون متقسمة ل 3 مخارج (3 بينات)..
الأولى هي تغذية الكهرباء
الاتنين التانين هما المسؤولين عن اشارة الكنترول لل
coil pack

لو الكويل طالع منه 4 سلوك بوجيهات يبقى مخرجين الاشارة واحد منهم للبوجيهات 1 و 4 و المخرج التاني للبوجيهات 2 و 3

لو الكويل طالع منه بوجيهين فقط حتلاقي فيشته فيها 2 مخرج
الاول تغذية كهرباء عمومي
التاني اشارة من الكنترول لتشغيل البوجيهين سوا.. و دول حتلاقي دايماً بوجيه 1 و 4 على نفس الكويل و بوجيهيات 2 و 3 على كويل تاني لوحده

ثانياً تصنيف اخر للكويلات او المباين هو

1- Passive coil
2- Active / Smart coil

وده ال بيحدده نوع الاشارة ال خارجة من الكنترول

لو الاشارة الخارجة من الكنترول لتشغيل الكويل و شحنه هي تقطيع أرضي يبقى الكويل ده
passive

لو الاشارة الخارجة من الكنترول هي 5 فولت موجب يبقى الكويل ده
Active / Smart

نتكلم عن الكويل الخامل (موضح بالصورة التانية)
passive coil
و ده في منه نوعين
Waste spark
و ده نوع شرحناه بالفعل.

CoP
و ده موبينة بتركب على البوجيه على طول و فيشتها طالع منها مخرجين فقط و ده نوع نادر شوية
طبعاً المخرجين واحد منهم تغذية كهربا و التاني منهم اشارة الارضي من الكنترول

أما الكويل الذكي
Active / Smart coil
ده اكثر انتشاراً في العربيات الحديثة لقوة شرارته
و ده بيكون كويل او موبينة على كل بوجيه و لكن فيشة كل موبينة بيكون فيها اكتر من مخرجين (3 او 4 مخارج)
مخرج منهم موجب عمومي
مخرج منهم 5 فولت اشارة من الكنترول
مخرج منهم أرضي و في بعض المباين زي مباين ال
VW - R
بيكون مخرجين أرضي علشان كده فيشتها بتكون 4 مخارج (4 بينات)!

نتمنى الموضوع يكون وصلك معلومة جديدة بطريقة مبسطة و مختصرة.

لو عجبك البوست متنساش تعمل لايك و شير!

م. حسام النبوي

متاح للبيع في الاسكندرية،
⚠️تشكيلة من السوست السبور استيراد بحالة الزيرو⚠️
تركب للسيارات التالية 🏎

☝🏽امامي
🔰


🇲🇱
gen2
🇰🇷

🇨🇳


✌🏽 خلفي
🇩🇪



🇰🇷