George Ghaly Photography

كلمتين لإخواتنا وولادنا،
خصوصًا إخواتنا الصغيرين، الجيل اللي بيسمع الكلام ده وبيشوف نفسه فيه:

لو اللي اتحبس جدع، فاللي ما اتحبسش أجدع منه.
ولو اللي عمل خصومة جدع، فاللي عرف يلمها بالعقل ويحبّب الناس فيه… أجدع.

واللي بيتقاله "سيادتك" و"حضرتك"… أجدع من اللي بيتقاله "يا زمالة" و"يا مطرشم".

نومة البورش أسوء نومة في الدنيا
ومفيش حاجة اسمها السيط ولا الغنى بالمشاكل

يا رجالة... الرجولة مش منظر، ولا كلمة بنرميها.

الرجولة إنك:

تحافظ على نفسك، وحريمك، وأهلك.

ما تبهدلش أمك وأبوك وأخواتك.

تاكل وتصرف على بيتك من عرق جبينك، مش من شحاتة ولا واقفة نواصي وكارتة.

الرجولة مش:
❌ الحبس
❌ المشاكل
❌ قلة الأدب
❌ المحْد رات

الرجولة الحقيقية لما تكون محترم، والناس كلها بتحبك، ولسانك حلو مع الكل 🤍