Dog Lounge

تراخيص الحيوانات

شويه معلومات عن العفشه كتير منكم ميعرفهاش
جولف 2 وجولف 3
عفشه الجولف عباره عن dumper +spring مساعد وسوسته
مساعد الجولف 2 اقصر من ال3 بانش يعني 2.45cm يعني مينفعش تركب دا هنا او دا هنا الا لو جولف 3 وعاوز تهبطها من غير ما تعدل فيها تركب اربع مساعدين بسوست ال جولف 2 الكلام دا استوك
سوسته ال 2 قطرها وعدد حلقتها وبالتالي طولها مختلف عن سوسته ال 3
سوسته ال 2 اسمها 12
سوسته ال 3 اسمها 13
وانته بتشتري زي الشاطر كدا يبقي معاك مفتاح 12 و مفتاح 13 هتدخل المفتاح ف قطر السوسته وهتعرف الفرق بنفسك
عفشه ال 3 لو عاوز تعلي الجولف 2 تركبها وتركب جنط 16 وهتلاقيها مظبوطه معاك غير كدا الجولف 2 عليها جنط 16 انته بتدمر العفشه
الجولف 3 يركب عليها جنوط لحد 16 مش اكتر من كدا
الجديد بقي والي كله ميعرفهوش ان الكلام دا هو هو ف العفشه الاسبور ماعدا coilover علشان دا مساعد بيتظبط طوله وطبعا طول مشوار المساعد او ال دمبر بيغير من حالته ناشف متوسط وطري
ارجو ان الفايده تعم والكل يستفاد ومنشوفش السمك لبن تمر هندي الي انتم بتعملوه ف عربياتكم دا ومحدش مهما كان الثقه فيه يلعب

صباح الفل
انهارده هنكلم عن عمره - شنبر - شورت بلوك - جولف
خلال الشهرين الذي فاتو تواصل معايا اكثر من عضو في الذي عمل عمره كامله وفي الذي غير شورت بلوك فورد اسكورت وفي الذي غاير ماتور جولف
انهارده بقي هقولكو المفيد والنهائي للقصه دي
ماتورك بينقص زيت والبوجيهات بتزيت وتلات العربيه يبقي هتفك الماتور
لو القصه جونات بس اوك اشتغل وغير جونات يعني من الاخر نص عمره هتصرف معاك 3 الف 4 بالكتير
طيب ماتورك بقي هيدخل علي عمره وهتصرف مش اقل من 6 الف
يبقي اقف هنا يا كبير ومتكلمش شغل اذاي دا الميكانيكي فك وهيشتغل قوله اقف ومتكلملش
طيب اعمل اه
هتروح تشتري شورت بلوك فورد اسكورت من 4500 الي 6000 الف جنيه والتركيب مش هياخذ ال 1000 جنيه وهتبيع ماتورك القديم باي سعر
يبقي انت كدا كسبان انشاء الله
طيب انا عايز يعم اركب عربيه بقي واعيش واجيب جولف يبقي حضرتك اعمل حسابك في 15 الف جنيه ليه
لانك هتشتغل ماتور جولف كامل من نص عربيه ومتركبش اقل من مواتير انتاج سنه 2000 اوك فول انشجكشن بالكنترول والكبالن والتكييف والمراوح والعدادات كمان لا تتنازل عن اقل من كدا ابدا اوع تسمع كلام صنيعي يقولك ركب ال 1800 abs الهاف انجكشن انت بترجع لوراء ولا بتطلع لقدام فاهمني كويس
ملخص الحوار
لو ماتورك هيصرف 3000 او 4000 الف ماشي اوك هيفتح عن كدا قوله لا هجيب شورت بلوك وعلي فكره ماتور الفورد مش شغلانه خالص في التركيب او الشغل لانه بينزل علي ماتورنا وش دون اي تعديل خالص ومش هيصرف معاك ال 7000 بس هتشتري دماغك
عايز تروش نفسك ركب جولف 4 او اسكودا a4 بس هتصرف معاك
ليه بقي بقول الكلام دا لان لم تفتح في ماتور مش هتخلص هتطلع من حاجه هتقع في حاجه فهمين الكلام كويس
ونصيحه اوع تسقط ماتور في الحرفيين نهائي او منطقه المعادي بشكل عام وصقر قريش ومش هقول اكثر من كدا وكل واحد يستحمل اخطائه

مشكله السحب
ناس كتير بتشتكي من العربيه مش بتسحب مش بتجري تقيله بطه وهكذا
الاعطال بتكون بصراحه كتير
حساسات - البخاخات - فلتر البنزين -طلمبه البنزين-الموبينه-فلتر الهواء - الشكمان -طقم الدرباج -.البوجيهات .......... واكيد هيكون في اعطال تاني تاثر علي دا
طيب الحل
الحل هنا هيكون عباره عن صيانه دوريه عاديه نعملها كل فتره لعربيتنا للحفاظ عليها وكمان لو بتحب تجري لازم تتعب شويه
نبدا
1-الحساسات
هتحتاج تفك الحساسات التلاته دول 1 2 3 وتنظفهم كويس باسبراي متخصص او بنزين او اكاي جاف اي حاجه تختاره اوك وتنفخهم بعد كدا كويس
2-تنظف فلتر الهواء باهواء بس كافي
3-تنظف البوابه كويس باسبراي الخاص لتنظيف الانجيكشن او بنزين برضو هيادي الغرض
كدا الصيانه العاديه بتاعتنا التي اي حد ممكن يعملها اوك
النقطه المهمه عندنا في عربيتنا
الحساس رقم 1 ورقم 3
لم تحاول تفكهم بيكونو صعب اوي ومساميرهم لعنه من الاخر
الحل
هتفكهم عن طريق شاكوش صغير وتخبط براحه اوي علي المفك براحه وبعد كدا تحاول تفك فشلت ممكن تستخدم البنسه الكلابه فشلت يبقي مفيش الا الشغل البلدي وهو شاكوش غير ومفك عاده وتدق علي المسمار من الجنب لغايه ميتفك ملحوظه لو متعرفش بلاش تفتي وتحاول لا تكسر المسمار او حاجه ممكن تروح لصنيعي يفك المسمار
المهم بقي فكينا المسمار قبل ما تركبه تاني تحط علي المسمار شحم وخلاص تاني مره تفكه هيتفك بسهوله جدااا انشاء الله