samar boghdady

حابة أشارك معاكم سؤال وحوار حصل معايا من قريب…
وحسيت إنه شبهنا كلنا أو معظمنا بشكل أو بآخر يعنى…
حد سألني
هو ليه بتدي كل حاجة آخرك؟ مش ده مرهق؟
ابتسمت وقلتله
آه… مرهق بس مريح
أنا بجيب آخري في كل حاجة…
في العطاء في المجهود في التقبل في التنازل… وحتى في الزعل
بصبر… وبطول بالي… وبدي كل فرصة ممكنة لحد النهاية
قالي طب وإيه النتيجة؟
قلتله النتيجة إن كل حاجة بتبان لوحدها…
يا إما الشخص يثبت إنه قد الثقة فعلا
يا إما يكشف نفسه بنفسه… من غير ما أكون ظلمته أو استعجلت عليه
سألني ولو طلع مش قد الثقة؟
قلت قدامي اختيارين…
يا أرد الأذى… وده مش طبعي… لأني مؤمنة إن رد الأذى مش دايما قوة وواثقة إن ربنا بيجيب حقك
يا أتغافل وأعدي… وده مش ضعف ده اختيار إني أفضل أهدى وأنضف من إني أتصرف بطريقة ما تشبهنيش
سكت شوية وبعدين قال
طب ليه كل ده من الأول؟
ببساطة قلتله
عشان لما أمشي… أمشي مرتاحة
من غير ندم… من غير ما ألوم نفسي إني قصرت أو استعجلت أو انى ماحولتش أو مجربتش طرق مختلفة وفي الآخر قلتله يمكن
أنا بجيب آخري… مش عشان الناس
أنا بجيب آخرى علشان نفسي☺️
#وعى #تجارب

للإستشارات وحجز الجلسات
ابعتولى على رسائل الصفحه 🤍

فى نهاية اليوم ✨️
"تطوير الذات مش معناه إنك تكون شخص مختلف هو إنك تكتشف أفضل نسخة منك فى كل موقف تواجهه"
تصبحوا على خير 🌙
#وعى

للإستشارات وحجز الجلسات
ابعتولى على رسائل الصفحه 🤍