Dogs For All Egyptians

#الدراى فود

كلمة دراي فود بتسمعها كتير أول لما تبدأ تتعامل مع الحيوانات الاليفة، وبتلاقي ناس بتقول انه كويس ومفيد وناس بتقول انه مضر.🙄
هنتكلم معاكو النهارده فى مواضيع مهمه فى تغذية اليفك البوست طويل شويه بس هيجاوب على استفسارات كتير تهمك وتهم أليفك #لايك وشير للبوست عشان تفيد غيرك🥰⁦☺️⁩

1-لحظه كده هو يعنى ايه دراى فود؟🤔
2-فوائد الدراى فود وهل ليه أضرار فعلا؟🙄
3- هل الفريش فود افضل ولا الدراى؟ 🤨
4-ازى تقسم الطعام على مدار اليوم؟😋
5- ازاي تختار افضل دراي فود لكلبك او قطتك ؟ 😋
6-ازى تعود الكلاب او القطط على اكل الدراى؟🙃

ان شاءالله هنجاوب على كل أسئلتكم ولو فيه اسئله تانيه ابعتولنا 🥰😍⁦☺️⁩

#الدراي فود او الطعام الجاف هو أكل مخصص للكلاب والقطط معمول بمقادير ونسب محددة تغطي احتياج الاليف من البروتين والطاقة والفيتامينات والمعادن واللي بتختلف باختلاف نوع الاليف وسنه والمرحله اللي بيمر بيها سواء حمل او رضاعة او تدريب او حراسة.⁦

الدراي فود زي اي اكل في الدنيا فيه منه الحلو والوحش خلونا الاول نشوف ايه فوايده واضراره وبعد كده نعرف ازاي نفرق بين المفيد والضار🤗
#الفوائد الدراى فود هو عباره عن وجبة غذائية متكاملة محسوب فيها نسب لكل العناصر الغذائية اللي كلبك او قطتك محتاجها.
1-يساعد في إزالة طبقة الجير المتراكمة على الأسنان.😁
2-يقوي العظام ويساعد في النمو.🦾
3-يساعد في نمو العضلات و الأنسجة لإحتوائه على البروتين.🦵
4-يحافظ على شعر الحيوان لإحتوائه على الأحماض الدهنية.
5-لا يفسد بسرعة ويمكن حفظه لفتره طويلة.

#الاضرار الدراي فود كنوع أكل ملوش أضرار او اثار جانبية في حد ذاته لكن الموضوع شبه الاكل بتاعنا بالظبط مثلا وانت تعبان بتاكل مسلوق لو كلت أكل مطبوخ ممكن يتعبك أكتر🤮، وهكذا الموضوع بالظبط هنا لو أكلت أليفك أكل مش مناسب ليه او للمرحلة اللي هو فيها ساعتها ممكن تحصل أضرار
* الأضرار الى بتظهر بتكون نتيجه اختيار دراى فود سيء او غير مناسب للمرحله العمريه وده ممكن يسبب،👇
1-الإصابة بالحساسية نتيجة وجود بعض المكونات 🥵
2-الترجيع والاسهال نتيجة استخدام أنواع رديئة او دراي فود فاسد
3-السمنه نتيجة استخدام كمية دراي فود أكبر من احتياج الأليف🐘

#الدراى فود هو البديل والمنافس للفريش فود واللي بيتعمل في البيت زي الفراخ المسلوقة والخضار المسلوق او اي اكل يتم إعداده في البيت مخصوص للأليف
الفريش فود بالطبع من أفضل المكونات الغذائية اللي ممكن تديها لأليفك لكن لازم توفرله كل الفيتامينات والمعادن وكمية الطاقة اليومية اللي هو محتاجها ونظرا لان ده صعب تحقيقه فديما اليفك سواء كلب او قطه بيعانى من مشاكل مرضيه وسوء تغذية وطبعا سقوط الشعر الغير طبيعي
#عدد الوجبات وكمياتها بيختلف من حيوان لآخر على حسب النوع والمرحله العمريه 👇
1-في اول ستة أشهر بنقسم كمية الدراي فود علي 3 وجبات بالتساوي
2-من 6 شهور ل سنه يتم التقسيم علي وجبتين يوميا
3-بعد سنه تكون كمية الأكل في وجبة واحدة يوميا
الكميه زى مقولنا طبيبك هو الى بيحددها على حسب العمر ونوع الحيوان

#ازاي تعود الكلاب او القطط علي الدراي فود كغذاء ؟

كتير جدا بيجيلنا سؤال ازى اعود قطتي علي الدراي فود 🤔
لو الكلب او القطه متعود ياكل فريش فود بيكون من الصعب الانتقال للدراي فود مره واحده لذلك بنعتمد على التدريج علي اربع ايام .

في اليوم الاول تستخدم ¾ الوجبه فريش و ¼ دراي فود

اليوم الثاني ½ فريش و ½ دراي فود

اما اليوم الثالث ¼ فريش و ¾ دراي فود

و اليوم الرابع تكون الوجبة بالكامل دراي فود

#ازاي تختار أنسب دراي فود لكلبك أو قطتك ؟😋

1- تأكد من مصدر البروتين داخل الدراي فود
اول حاجة محتاج تبص عليها هي مصدر البروتين واهمهم اول 3 مصادر مكتوبين علي العبوة وطبعا يكونو متسميين زي beef, poultry, chicken, or fish اما لو مكتوب meat by-products فده معناه ان البروتين جودته قليلة.
ولو مكتوب ان الـ meat by-products عبارة عن كبدة مثلا فده ممتاز بردو، أما مصدر البروتين لو مجهول او مش مكتوب خالص يبقي بلاش منه…
وبردو لو أول 3 مكونات بروتين نباتي مش حيواني يبقي ده بروتين جودتة قليله ومش مناسب لان الكلاب والقطط من أكلات الحوم وجزء كبير من الكلاب والقطط بيجيلها حساسيه من البروتين النباتي.

وفيه منتجات معينه في السوق هتلاقي مكتوب عليها انها |Grain Free او Glutin Free ودي طبعا افضل لكنها اغلي في السعر وبفرق كبير.

لو أكلت كلبك او قطتك اكل فيه حبوب لازم تتابع إذا كان ظهرله حساسية منه زي بظهور اعراض مرضيه مرتبطة بالاكل زي مشاكل جلديه او اسهال وترجيع اونقص في الوزن. 😨🤮😷

2- الدهون
الدراي فود الأفضل في الجوده هو اللي بيتم ذكر مصدر الدهون فيه اما اللي مش مكتوب عليه المصدر فطبعا بيقل في التقييم

3- انتبه للفئة العمرية
لازم تعرف كويس جدا اذا كان الدراي فود ده مناسب لعمر كلبك او قطتك او لا، لان مثلاً الجراوي والقطط الصغيرة لازم يكون البروتين والطاقة أعلى من البالغين لتكوين عضلاتهم و امدادهم بالطاقة المناسبة جسمهم