SOLD OUT ?

ده لاعب اسمه ابراهيم شيكا كان بيلعب فى الزمالك فضلت اقلب كتير فالاكونت بتاعه واشوف فيديوهاته قبل المرض وفجاة عينى دمعت لما افتكرت دعاء النبى صل الله عليه وسلم ( اللهم إني أعوذ بك من زوال نعمتك، وتحوّل عافيتك، ومن فُجاءَة نقمتك، ومن جميع سخطك) ، وعلي قد ما ابراهيم شيكا صابر بس لاحظت كمية خذلان من الناس ومش هقول انه امر طبيعي بس للاسف بقي امر طبيعي لما تقع مش هتلاقي حد جمبك ، الموضوع مرعب جدا والله ، خصوصا لما بيطلب من الناس مرهم معين بيستعمله تكلفته ١٥٠ جنيه وبيقول انه بيستخدم ٣ يوميا ،
طيب لو رجعنا بالزمن سنتين تلاته قبل مرضه وهو في عز نجوميته كان ايه اللي هيحصل لو الناس شافوه بس ، اكيد كان هيتشال من ع الارض شيل ، السؤال هنا بعيدا عن انه لاعب او غيره ، مافيش رجل اعمال ولا حد عنده الاستطاعة يساعده او يتكفل بعلاجه ، مافيش جمعيات خيرية تجمع وتعمل رقم حساب للتبرع ، ربنا يتممله الشفا يارب ويرجع افضل من الاول