Da7e7a

عارف البسكوتة اللي بتقع منك على سهوة وانت ماشي؟
دي مش من فراغ كدا ونتيجة لإهمالك،
لا دا ربنا اللي وقعها علشان يرزق عصفورة تاكلها.

- اه والله تصدق انه فعلا بيرزق العصفورة؟
واللي يتبقى من العصفورة مش من فراغ برضو
دا رزق ييجي شوية نمل ياكلوه.

- ومحل الفراخ اللي شغال نار دا ممكن ربنا يكون بيرزقه علشان قطط الحي كله تروح تاخد الرجول والجلد تاكلها
ويكون ربنا فاتحها عليه علشان يرزق شوية القطط دول، تخيل ؟؟

- قيل في الأثر أن سيدنا سليمان بيقول لنملة كم تكفيكي حبات قمح لمدة عام ؟
قالت عشر حبات قمح، أعطاها العشر حبات
وقال لها هقفل عليكي عام وبعد مرور عام هفتح واشوفك.

بعد عام، فتح لقاها معاها ٥ حبات قمح فاضلين!!
قال لها كذبتي أيتها النملة ؟ قالت لا
عندما كان رزقي على الله كنت اكل العشر حبات،
فلما علمت أن رزقي أصبح بيديك أكلت خمس حبات، وادخرت خمس حبات، إذ خفت أن تنساني.

قضية الرزق دي الواحد أصبح بعد المواقف اللي بيشوفها،
و بيسمع عنها مقتنع تماما و متأكد أنه سبحانه لا ينسى احد.
يا أخي يعني بيرزق الدود والنمل والطيور وكلاب وقطط الشوارع، وهينساك انت ؟!

ما تخفش من الرزق الرزق جاي جاي، لو في حاجه لازم تخاف منها، فهي أنك تستني قطر ممعكش تمن تذكرته
فـ حاول تجتهد عشان لما يجي رزقك ونصيبك تكون جاهز له.

"إنّ الصَلاةَ على النبى تكفل استجابة كُل مَاخفي فِى قَلبِك"