FA Model DU

حان الوقت لتسليط الضوء على الأفكار التي تستحق
Coming soon ...⌛

مش لازم تكون حمرا علشان تبقا طازه…
ممكن يبقى رسالة تقولك:
دي لحمة طازة… ولا فيها مشكلة؟
هقولك بس المرة دي ركّز كويس…
لأن مش أي لون لحمة ينفع يتاكل

🥩 لون اللحمة يقولك إيه؟

🔴 لو اللون أحمر فاتح (Bright Red)
ده غالبًا أفضل لون للحمة الطازة
وده معناه إنها اتعرضت للأكسجين بشكل طبيعي.
ممكن نكلها؟
آه عادي جدًا.

لو اللون أحمر غامق جدًا / نبيتي
ده منتشر في لحمة الجاموس أو اللحمة اللي كانت متغلفة فترة
السبب: نقص الأكسجين في اللحم.
ممكن نكلها؟
آه لو الريحة طبيعية والملمس طبيعي.

🟤لو اللون بني أو رمادي من الخارج
ناس كتير بتفتكر ده فساد… لكن مش دايمًا.
السبب العلمي: تأكسد الصبغة الطبيعية في اللحمة مع الوقت.
ممكن نكلها؟
غالبًا ينفع
بس بشرط:
مفيش ريحة وحشة
مفيش لزوجة
التخزين سليم

🟢 لو في بقع خضرا أو لون أخضر واضح
🚫 دي علامة خطر.
السبب: بكتيريا أو بداية فساد.
ممكن نكلها؟
لا، ابعد عنها فورًا.

⚫ لو في بقع سودا أو زرقا
ده غالبًا بيكون:
كدمات
نزيف داخلي
ضغط أثناء النقل أو الذبح
ممكن نكلها؟
⚠️ لو جزء صغير يتشال
لكن لو اللون منتشر + ريحة غريبة = مرفوض

🟡 لو الدهون لونها أصفر
ناس كتير بتقلق… بس دي مش علامة فساد.
السبب: كاروتين في التغذية أو الحيوان كبير في السن.
ممكن نكلها؟
ينفع جدًا.

طيب… إيه اللون الأفضل؟
أفضل لون للحمة غالبًا:
🔴 أحمر فاتح متجانس
بس خليك فاكر:
الريحة والملمس أهم من اللون.
⚠️ خلي بالك
●لو اللون طبيعي بس موجود: ريحة زنخة أو نفاذة
●لزوجة في السطح
● عفن أو بقع خضرا
● سائل غريب خارج من اللحمة
يبقى الأفضل: ماتغامرش
📌 لو البوست ده فادك، اعمله شير علشان غيرك ياكل وهو مطمن ❤️
واكتب في الكومنت: لون اللحمة اللي شفته قبل كدا كان إيه؟ 🥩🔥
تفتكروا… اللون كل حاجه؟
كل عام وأنتم بخير 🤍
وأضحية مقبولة بإذن الله 🤲🐄
Content: Mohamed Abbas
Design: Eman Elsayed