C R U S H.

حمايا راجل عنده 66 سنة، وربنا سبحانه وتعالى كرّمني بيه.

مراته توفاها الله، وليه ولدين، جوزي هو الكبير فيهم، وما عندوش بنات.

هو دايمًا كان بيعتبرني بنته، وأنا الحمد لله معايا بنتين وولدين، أكبرهم في أولى جامعة.

من فترة حمايا عمل حادثة، وبقى مقعد، بيتحرك على كرسي متحرك، ومش قادر يقضي احتياجاته في الحمام لوحده.

جوزي شغال في بلد عربي ومش موجود معانا، وحمايا قاعد معايا في البيت.

أنا بخدمه على قد ما أقدر، وبغير له هدومه، وبراعيه، خصوصًا إنه قبل الحادثة كان حنين جدًا عليّا وعلى ولادي، وكان معاشه وفلوسه كلها أنا اللي كنت بظبطها وأصرف بيها على البيت.

سؤالي لوجه الله:

هل حرام عليّا إني أخدم حمايا بالشكل ده وأغير له هدومه؟
خصوصًا إني بعمل ده من باب الرحمة والواجب، ومفيش حد غيري يقوم بالدور ده دلوقتي.

ياريت اللي عنده علم أو رأي ديني يفيدني،
وجزاكم الله خيرًا.

أنا مطلق بقالي 6 سنين، وبعد الطلاق كانت علاقتي بولادي كويسة جدًا.
كنت بدفع نفقتهم بانتظام عن طريق بنك ناصر وعن طريق المحضرين، وببعت لهم أي حاجة يحتاجوها، ومقصرتش معاهم في أي شيء.

رغم كده، مكنتش بشوفهم، وكانت علاقتي بيهم مقتصرة على المكالمات التليفونية بس، وده كان شرط حمايا وقتها.

الوضع ده استمر حوالي سنة بعد الطلاق، مع إن طليقتي اتجوزت بعدها وخلفت من جوزها الجديد، وولادي سايباهم عند والدتها، ومع ذلك عمري ما اعترضت ولا عملت مشاكل، المهم عندي إنهم يكونوا بخير.

بعد فترة طلبت إني أشوفهم وأقعد معاهم شوية، مش مجرد مكالمات، اتفاجئت بحمايا بيطلب مني 35 ألف جنيه على إنها “مصاريف ولادي”.

استغربت جدًا وقلت له: إزاي؟ أنا بدفع نفقتهم ومش مقصر.
رد عليّ وقال: “هو كده، ومفيش حتى مكالمات بينكم.”

زعلت جدًا، وسافرت، وعدّى 5 سنين معرفتش عن ولادي أي حاجة غير صور بشوفها بالصدفة، وكنت أوقات أسأل أمي أتأكد إن دول فعلًا ولادي لأن ملامحهم اتغيرت جدًا.

من أسبوع نزلت مصر، واشتقت لهم جدًا، وتعبان نفسيًا وعايز أشوفهم.

كلمت حمايا وقلت له نفسي أشوف ولادي، قال لي هيرد عليّ بالليل.

رجع كلمني وقال: عاوز مصاريف ولادك عن الـ5 سنين اللي فاتوا، وطلب 200 ألف جنيه، غير الـ35 ألف اللي كان طالبهم قبل كده، يعني إجمالي 235 ألف جنيه، قصاد إني أشوف ولادي عنده في البيت!

والله على ما أقول شهيد.

أنا مش عارف أعمل إيه: هل ده طبيعي؟
وهل من حقي أشوف ولادي من غير شروط أو ضغوط؟
وأتصرف إزاي قانونيًا وإنسانيًا؟

محتاج نصيحة بجد، وربنا يجازيكم خير.