Arki courses
Share
Contact information, map and directions, contact form, opening hours, services, ratings, photos, videos and announcements from Arki courses, Art, Helwan, Helwan.
“”Arki courses “”
الحمدلله❤️❤️
أول يوم في كورسات القدرات 🔥❤️
15/07/2023
بص الجمال و الحلويات❤️❤️
بكرا ان شاء الله عتتوفر الادوات🔥🔥❤️
كتير مننا بيدخل الثانويه العامه وحاطط كليات الطب والصيدلة والهندسة هدف ليه بس للاسف النتيجة بتخذله وبيحس أن تعبه ضاع ومجهوده راح ومش عارف يعمل ايه 💔🥺😭
تعالي انا هقولك تعمل ايه في كليات قمه برضو مخفيه محدش بيسمع عنها ...😳😳
اه والله زي م بقولك بالظبط كده يا عزيزي كليات قمه وبتخرج منها مهندس تابع لنقابة المهندسين في بعض الأقسام فيها ومطلوبه جدا في سوق العمل ومعظم طلابها بيشتغلو من اول سنه في الكليه 😎💪🤩
والكليات دي بتبدأ من اواخر الستين ف الميه 😎
بس في حاجه لازم تاخد بالك منها جدا انت ممكن تيجي تسجل رغبات التنسيق تلاقي الكليه دي مش مفتوحالك 😱😱
قبل م تتوتر اسأل ليه الاول ....
هقولك انا الكليات دي عشان تدخلها لازم تعمل حاجه اسمها اختبارات القدرات وتنجح فيها مع مجموعك كمان 🤞🤞
طب انا مش عارف حاجه ومفيش وقت ومش هلحق حاجه 💔🥺
لا هتلحق م احنا عاملينلك كورس تأهيل لاختبارات القدرات للكليات دي وتقدر تاخده كامل في يوم واحد وتخرج منه ع الامتحان علطول 😎💪🤩
وكمان كل يوم مجموعة جديده في كل فروعنا وتقدر تاخد الكورس اونلاين من منصة out box💓✨
26/03/2023
كلية فنون جميلة عمارة
علمي_رياضه
قسم_عمارة فنون جميلة
- ايه دا هو فيه قسم عماره فى فنون جميله 🧐🤔🤔
* ايوا طبعا دا اول قسم فى الكليه من يوم ما اتفتحت فى مصر من سنه 1907 😅😅😌😌
- هو مش قسم عماره دا فى هندسه ؟!!😳🤥🤔🤔
* ايوا فى هندسه و فنون كمان 😌😌😉
- طب اي الفرق ؟!!!🤔🤔🧐🧐
* تعالى افهمك بقى
بص يا سيدي م الاول خالص كدا :
قسم عمارة موجود في :
فنون جميلة المنصورة + فنون جميلة اسيوط + فنون جميلة اسكندرية + فنون جميلة حلوان + فنون جميلة المنيا
لسه مفتحش في الاقصر 🤚
* ويدخل فى اختصاصه المقررات التالية :-
التصميم المعمارى - تخطيط المدن - الاسكان وتصميم المواقع - التصنيع والمبانى النمطية - تصميمات تنفيذية - المعالجة البيئية للمبانى - الانشاء المعمارى - التجهيزات الفنية للمبانى - المواصفات الفنية وحساب الكميات - المنظور الهندسى والظل - تاريخ العمارة - طرز معمارية - نظريات العمارة - مبادىء التصميم المعمارى - نظرية التخطيط - مساحه - ماتيريال - استراكشر - ستيل - تنسيق موقع land scape
قسم_عمارة
ايه اللى يخليك تدخل قسم عمارة فى فنون جميلة مش فى هندسة ؟!! 🤔🙄
علشاان ..
- ميزة رقم 👍 :
* الدراسة *
نفس المواد المعمارية و النظرية فى الكليتين
بس الميزة فى فنون جميلة 👈إنك بتدرس مواد فنية زيادة بتنمّى عندك حاسة الفن و الإبداع فى العمارة 💭
وده لأن العمارة ماهي الا مصمم شاطر وفاهم هو بيعمل ايه وفنان ومبتكر❤️
- نفهم من هنا ان العماره فن من الفنون الماديه
* مش بس فن من الفنون الماديه .. العماره دي ام الفنون على الارض
فن العماره اللى قامت عليه حضارات العالم القديم و اولهم حضارتنا العظيمه الحضاره الفرعونيه
💭 ميزة رقم ✌️: .. " و دى ✌️ فى ☝️"
* التخصص*
فى هندسة بتدرس سنة إعدادى (من غير تخصص) ، بعدها بتتخصص فى قسم معين و بتدرسه باقى ال 4 سنين ..
بس خلّي بالك ✋ لو عايز تتخصص عمارة يبقى انت و حظك فى تنسيق اعدادى ، يمكن تجيب تقديرها و يمكن لآ ! ، فدى حاجة مش مضمونة للأسف 🙄
لكن فى فنـــون جميلة .. أنت بتتخصص فى قسم عمارة رسمياً من اول سنة (اعدادى) 🎉
و بالتالى انت كدا بتدرس عمارة 5 سنين تخصص (اعدادى و 4 سنين) 😉
يعني لو انت بتفكر انك تخش هندسة عشان قسم عمارة بالتحديد خشه من فنون جميلة افضل ليك عشان تبقى ضامن انك داخل عمارة 👌
* بس خلى بالك
- اي !؟
* علشان تدخل عماره من فنون جميله محتاج تنجح فى اختبار القدرات
- ودي اعملها ازاى دي
* دي مهمتنا بقى ماتحملش همها ان شاء الله
___________________________________
💭 ميزة رقم 👌:
*نقابة المهندسين*
خريجين فنون جميلة عمارة تابعين لنقابة المهندسين __________________________________
💭 ميزة رقم ✌️✌️:
*مجال الشغل*
👈اوعى حد يضحك عليك و يقولك إنك مش مطلوب فى الشغل الخارجى ، و إن خريجين هندسة مطلوبين اكتر أو هما الأفضل !😒😕
دا أى كلااام ..
انت لو عايز تعمل شركة او اي مبنى هتختار اللي يعملك المبنى احسن وشكله اجمل
الشركات و المكاتب الهندسية بيختاروا الأشطر و الأكفأ فى شغله و اللى يقدر يفيد الشغل احسن.. لان الاتنين بيدرسوا نفس المواد بزيادة انه في فنون جميلة بيدرس بجانب مواد عمارة مواد فنية وده اللي بيميزه فمحدش ممكن يكون أحسن منك غير بشغله مش بكليته 💪
*عدد طلبة عمارة من فنون جميلة قليل جداا بالنسبة لطلبة عمارة هندسة لان
امتحان القدرات بيصفيهم ( ودي ميزة )_________________________________
💭 ميزة رقم 🖐️ :
*اشمعنا عمارة دوناً عن كل الفروع الهندسية ، هى اللى بيدرسوها فى فنون جميلة؟!*
عمرك سألت نفسك السؤال دا ؟ ..
هنجاوبك احنا 😃
من الآخر عمارة هى القسم الهندسى الوحيد اللى بيتصنف كـنوع من انواع الفنون😍
لأنه بيجمع بين الهندسة و الفن .. علشان كدا خصصوه كقسم مستقل بذاته فى كليات فنون جميلة
كده نقدر نقول بقا
انك بقيت مهندس معماري من اول يوم في الكلية ... لان تخصصك قايم على العمارة و فقط ...
هنا الكلية تهتم بالعمارة من ثلاث جوانب :
🌸 الجانب الفني
🌸 الجانب الهندسي
🌸 الجانب التطبيقي
و ده اللي بيميزه عن هندسة العمارة في الهندسة
مدة الدراسة في الكلية هنا خمس سنين , فالسنة الاعدادية تخصصية في العمارة وبس .. و مالهاش تشعبات بتدرس كل التخصصات الخاصه بالعماره ولما تتخرج بتختار بقى المجال اللى انت شاطر فيه_________________________________
💭 ميزة رقم 🖐️ 👍 :
و دي بقى مش هتسمعها غير من طلبه فنون جميله وهي ان طالب فنون جميله حواليه اقسام فنيه من تصوير لنحت لديكور لجرافيك
هتلاقى ديما الوان و لوح فنيه و معارض طول السنه و تماثيل هتلاقي فنانين كبار دكاتره ف الكليه
دا اكيد بيأثر على مخزونك البصري كفنان وكمعماري و هيأثر على شغلك و مشاريعك للافضل
- طيب يا سيدي انا لما اتخرج هشتغل اي بتخصصى دا
* وانت مستعجل ع التخرج لي .. دانت هتقضى ف الكليه اجمل ايام فى حياتك
- انا عايز اضمن مستقبلي
* عندك حق .. بص يا سيدي خريج عماره ليه تخصصات كتير اوي يقدر يشتغل فيها
اول حاجه : انت مصمم معماري يعني بتصمم اي مبني
- اي مبني ؟؟!!
* اي مبني ع الارض انت اللى بتصممه من اول البيت اللى انت عايش فيه للمدرسه اللى بتتعلم فيها للكليه اللى هتدخلها ان شاء الله للمستشفيات و المتاحف و المساجد و الكنائس و البنوك و الانديه و الستاد و المباني الاداريه و المولات ... الخ
انت كمان مسؤل عن تخطيط المدن بتخطط كومباوند
- يعني اي مش فاهم
* يعني تقول المدرسه تتحط هنا .. المسجد يتحط هنا .. العماره السكنيه تتحط هنا و هكذا
و بتصمم كمان اللاند كسيب
- اي اللاندسكيب دا ؟!! 🤔🤔
* يعني الحدائق و الاشجار و المسطحات الخضراء و الفراغات اللى حوالين المباني و اللى فى الشوايع و الميادين
دا انت كمان تقدر تصمم ديكور اي مبني انت مصممه
- اي دا امال مهندس الديكور بيعمل اي ؟!🧐😳
* بيعمل نفس الشغل بس انت تقدر تقطع عليه 😂😂
كمان بتشتغل فى التصميمات التنفيذيه و الرسومات المعماريه و الانشائيه و التشطيبات المعماريه و تفاصيل تانيه كتييير هتعرفها لما تدخل عماره.
لو عندك استفسار او حاجه اسأل هنا
26/03/2023
عاجل🛑🛑🛑
أكد الدكتور عادل عبد الغفار، المستشار الإعلامى والمتحدث الرسمي باسم وزارة التعليم العالى، أن المجلس الأعلى للجامعات وافق على إلغاء اختبارات القدرات للطلاب الحاصلين على الشهادات الثانوية العامة وما يُعادلها (أجنبية - عربية) والشهادات الثانوية الفنية، بالنسبة لكليات (الإعلام - التمريض - المعهد الفني للتمريض - المعاهد الفنية الصحية - الجامعات التكنولوجية - كليات التكنولوجيا والتعليم الصناعي).
وأكد المجلس استمرار اختبارات القدرات بكليات (التربية الرياضية - التربية الموسيقية - التربية الفنية - التربية النوعية "فنية - موسيقية - المسرح التربوي" - الفنون التطبيقية - الفنون الجميلة "فنون – عمارة" - التربية "فنية – موسيقية").
ووافق المجلس على إلغاء قواعد التوزيع الإقليمي بالنسبة للشهادات الثانوية العامة وما يُعادلها (أجنبية - عربية) والشهادات الفنية للقبول بكليات (التمريض - التربية - التربية النوعية - المعاهد الفنية الصحية - المعاهد الفنية للتمريض) اعتبارًا من القبول في العام الجامعي 2023/2024.
ووافق المجلس على قبول طلاب مجمع خدمة الصناعة بالأكاديمية العربية للعلوم والتكنولوجيا والنقل البحري بالإسكندرية، الحاصلين على درجة الدبلوم فوق المتوسط بالجامعات التكنولوجية الحكومية، وفقًا للضوابط المُنظمة لهذا الشأن.
26/03/2023
Click here to claim your Sponsored Listing.
Category
Contact the establishment
Telephone
Website
Address
Helwan
0000
