Amato allah

https://youtube.com/shorts/iFzEWJRL0VQ?si=DewVJfhY1I2IUn-k

الألفات السبعة كيف نقرأ (يا ليتنا أطعنا الله وأطعنا الرسولا)

(فَكَذَّبَ وَعَصَى)
يعني برده بعد ما سيدنا موسى عمل كل ده واثبت لفرعون انه رسول من عند الله ... برده فرعون قال على سيدنا موسى انه كداب ورفض انه يعبد ربنا

(ثُمَّ أَدْبَرَ يَسْعَى)(فَحَشَرَ فَنَادَى)(فَقَالَ أَنَا رَبُّكُمُ الْأَعْلَى)
بعد كدة بقى فرعون قعد يخطط عشان ينتقم من سيدنا موسى ويموته ... فجمع كل الناس والسحرة عشان يتحدى سيدنا موسى ... وقالهم انا ربكم الاعلى ... يعني اوعو تعبدو اله موسى واعبدوني انا وبس عشان انا اللي خلقتكم

(فَأَخَذَهُ اللَّهُ نَكَالَ الْآخِرَةِ وَالْأُولَى)
ربنا انتقم من فرعون في الدنيا بانه اغرقه فى النهر هو وكل الكفار.. ربنا خلاهم عبرة لكل الناس ... ولسة ربنا هيعذبه اشد العذاب في الاخرة

(إِنَّ فِي ذَلِكَ لَعِبْرَةً لِمَنْ يَخْشَى)
اللي حصل لفرعون ده عبرة للكفار عشان يخافو على نفسهم ... لحسن يحصلهم زي ما حصل لفرعون والكفار اللي كانو معاه ... فرعون اللي كان اقوى منهم بكتييير جدا

(أَأَنْتُمْ أَشَدُّ خَلْقًا أَمِ السَّمَاءُ بَنَاهَا)(رَفَعَ سَمْكَهَا فَسَوَّاهَا)
هنا ربنا بيكلم الكفار تاني اللي مش مصدقين في البعث بعد الموت .. يعني ان ربنا هيبعثنا بعد ما نموت عشان نتحاسب ... ربنا بيقولهم هل انتو اقوى واشد ولا السماء بكل الحاجات اللي فيها من شمس وقمر ونجوم وكواكب وحاجات تانية كتير ... اللي ربنا بناها بدون اعمدة وكل حاجة بتتحرك فيها بنظاام خلقه ربنا سبحانه وتعالى

(وَأَغْطَشَ لَيْلَهَا وَأَخْرَجَ ضُحَاهَا)
وربنا خلق الليل ضلمة جدا ونور النهار بطلوع الشمس

(وَالْأَرْضَ بَعْدَ ذَلِكَ دَحَاهَا)(أَخْرَجَ مِنْهَا مَاءَهَا وَمَرْعَاهَا)(وَالْجِبَالَ أَرْسَاهَا)
وربنا سبحانه وتعالى خلق الارض عشان نعرف نعيش عليها ... يعني صالحة اننا نمشي عليها ونحفرها ونزرع فيها ونبني عليها البيوت اللي بنعيش فيها ... فربنا اخرج من الارض الماء والبحار والانهار ... واخرج من الارض برده الزرع والنباتات اللي بناكلها عشان نقدر نعيش ... وربنا برده خلق منها الجبال عشان تثبت الارض ...
(مَتَاعًا لَكُمْ وَلِأَنْعَامِكُمْ)
يعني ربنا خلق السما وكل الحاجات اللي فيها وخلق الارض وكل الحاجات اللي عليها مش صدفة ... ده بتدبير من ربنا سبحانه وتعالى ... عشان تكون صالحة لحياة الانسان والحيوان

(فَإِذَا جَاءَتِ الطَّامَّةُ الْكُبْرَى)
كل الحاجات اللي في الدنيا ديه هتنتهي لما تقوم القيامة ... كل الحاجات اللي في الكون ديه هتنتهي تماما... الشمس هتختفي والكواكب هتقع والنجوم هتتفرق والسما هتتشقق والجبال هتتفتت وتتساوى بالارض والبحار هتنفجر

(يَوْمَ يَتَذَكَّرُ الْإِنْسَانُ مَا سَعَى)
كل انسان في يوم القيامة هيفتكر كل الحاجات اللي عملها في الدنيا

(وَبُرِّزَتِ الْجَحِيمُ لِمَنْ يَرَى)
والنار هتظهر للناس كلهم

(فَأَمَّا مَنْ طَغَى)(وَآثَرَ الْحَيَاةَ الدُّنْيَا)(فَإِنَّ الْجَحِيمَ هِيَ الْمَأْوَى)
اما بقى الكفار اللي طغو وظلمو وبرده الناس اللي فضلت الحياة الدنيا عن الاخرة فهيكون مصيرهم النار في يوم القيامة
عارفين يعني ايه بيفضلو الدنيا عن الاخرة؟؟؟
يعني مثلا لو سمعو الاذان وهم مثلا بيتف*جو على مسلسل .. ومش قامو يصلو ... كدة هم بيفضلو المسلسل عن الصلاة .. يعني بيفضلو الدنيا عن الاخرة وهيكون مصيرهم النار ..

(وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى)(فَإِنَّ الْجَنَّةَ هِيَ الْمَأْوَى)
اما المؤمنين اللي كانو بيخافو من عقاب ربنا ونفذو كل اوامر ربنا وبعدو عن المعاصي ... فدول بقى هيكون مصيرهم الجنة وكل الحاجات الجميلة الموجودة فيها

(يَسْأَلُونَكَ عَنِ السَّاعَةِ أَيَّانَ مُرْسَاهَا)
كان الكفار زمان بيسخرو ويتريقو على سيدنا محمد... وكل مايقولهم عن عذاب يوم القيامة ... يقولوله هو امتى بقى يوم القيامة ؟؟؟ احنا امتى ربنا هيعذبنا؟؟؟ ويفضلو يتريقو بالطريقة ديه ... لحد ماهيجي يوم القيامة ويتعذبو اشد العذاب ويندمو على كل حاجة عملوها .. بس للاسف هيندمو بعد فوات الاوان

(فِيمَ أَنْتَ مِنْ ذِكْرَاهَا)(إِلَى رَبِّكَ مُنْتَهَاهَا)
مفيش حد ابدا يعرف معاد يوم القيامة غير ربنا سبحانه وتعالى ... حتى سدنا محمد ميعرفش معاد يوم القيامة هيكون امتى

(إِنَّمَا أَنْتَ مُنْذِرُ مَنْ يَخْشَاهَا)
هنا ربنا بيكلم سيدنا محمد وبيقوله ان مهمته بس هتكون انه يعلم الناس ويكلمهم ويحذرهم من عذاب ربنا سبحانه وتعالى .. واللي هيخاف من عذاب ربنا هيسمع كلام الرسول وفي الحالة ديه يبقى هو كسب الدنيا والاخرة ... انما اللي هيكفر بالله هيكون خسر الدنيا والاخرة ومصيره هيكون نار جهنم