yoot93

إحنا ساعات بنتعامل مع الحياة وكأنها لازم تكون دايمًا منطق وتحليل وتخطيط… ننسى إننا محتاجين لحظة نعيش فيها من القلب، نضحك فيها من غير أسباب، ونرتاح من التفكير الكتير.

وهنا تيجي الصداقة… مش أي صداقة، لكن الصديق الصح — اللي قلبه نضيف، وجوده يريح، وكلامه يطمنك الصديق اللي يحبلك الخير .

الخروج مع صحابك مش بس ترفيه، ده علاج روحي. بس المهم يكونوا صحبة صالحة، لأن الصديق مش بس بيشاركنا الوقت، ده بيأثر علينا، على نفسيتنا، على قراراتنا، وعلى اختياراتنا في الحياة ، علشان كده انا مش بصاحب اي حد و دايما صداقاتي الحقيقه محدوده يتعدو على الايد ، اجتماعيه و اعرف ناس كتير بس مش كلهم صحابي ( بعتبر لقب صاحب ده كبير مش اي حد المفروض يتقال عليه صاحب )

ومش أي حد ينفع يكون قريب… لأن زي ما قال النبي ﷺ:

“المرء على دين خليله، فلينظر أحدكم من يُخالل.”
الشخص بيتأثر بطباع وأخلاق اللي بيصاحبهم، فلو صاحبك كويس هيشجعك على الخير، ولو فاسد ممكن يبعدك عن نفسك و عن ربنا .

اختار الصاحب اللي وجوده بيصلحك، اللي لما تقعد معاه تحس إنك بتقرب من ربنا، وبتحب نفسك أكتر، وبتحس إنك إنسان أحسن ✨