Bake off

🏆 تفتكر ليه فيه منتخبات في كأس العالم 2026 سافرت بطهاة مخصوص... وشحنت أكلها من بلادها؟!

مش علشان أكل البلد المستضيفة وحش... ولا عللشان اللاعبين "دلع".

السبب أكبر من كده بكتير!

جسم اللاعب المحترف متعود على نظام غذائي ثابت طول السنة. وبكتيريا الأمعاء عنده اتأقلمت على نوع الأكل، ومواعيده، وحتى طريقة تحضيره.

تخيل بقى قبل أهم ماتش في حياتك... تغيّر أكلك فجأة!

النتيجة ممكن تكون: ❌ انتفاخ. ❌ اضطرابات هضم. ❌ إسهال. ❌ امتصاص أقل للعناصر الغذائية. ❌ إحساس بالخمول وانخفاض الأداء.

وده آخر شيء أي لاعب يتمناه وهو داخل ينافس على كأس العالم.
عشان كده، بعض المنتخبات الكبيرة مش بتسافر باللاعبين بس... دي بتسافر بطهاة، وأخصائيي تغذية، وأحياناً تشحن مكونات وأطعمة كاملة من بلدها.

ومن أشهر الأمثلة في كأس العالم 2026: 🇳🇴 منتخب النرويج شحن مئات الكيلوجرامات من الأطعمة الخاصة بيه، منها: 🐟 سلمون وتراوت وهلبوت نرويجي. 🧀 جبن نرويجي. 🍊 آلاف البرتقالات. 👨‍🍳 ومعاهم الطهاة المتخصصين اللي بيحضّروا نفس الوجبات اللي اللاعبين متعودين عليها.

والهدف؟ ✅ الحفاظ على نفس النظام الغذائي. ✅ تجنب مشاكل الجهاز الهضمي. ✅ حساب السعرات والبروتين والكربوهيدرات بدقة. ✅ تحسين الاستشفاء. ✅ الوصول لأعلى أداء داخل الملعب.

والموضوع ده مش جديد... منتخبات عالمية تانية عملت نفس الفكرة في بطولات سابقة، لأنها عارفة إن التفاصيل الصغيرة هي اللي بتصنع البطولات.

والرسالة لنا إحنا؟

مش كل أكلة #صحية تناسب كل شخص. ومش كل #ترند غذائي لازم يمشي معاك.

لو هتغيّر نظام أكلك... اعملها بالتدريج، وسيب لجسمك وبكتيريا أمعائك فرصة تتأقلم.

لأن الصحة مش قرار بيتاخد في يوم... الصحة .

💬 لو سافرت أسبوع برّه بلدك... بتفضل تاكل أي حاجة؟ ولا بتدوّر على الأكل اللي جسمك متعوّد عليه؟

~ دُمتم أصحّاء ~
Bake off 🌿🇪🇬



#تغذية

📢 تم فتح باب التسجيل مرة أخرى 📢

لمن لم يتمكن من التسجيل في المرة الأولى...
يسر الجمعية المصرية لمرضى السيلياك بالتعاون مع المجلس القومي للطفولة والأمومة بمحافظة الجيزة أن تعلن عن إعادة فتح باب التسجيل لحضور:

💚 يوم الأمل والتوعية لمرضى السيلياك (حساسية القمح)
إذا كنت مريض سيلياك، أو تم تشخيصك أنت أو أحد أفراد أسرتك مؤخرًا، فهذه فرصة للتعرف على كل ما يخص المرض من خلال لقاء توعوي يقدمه متخصصون للإجابة عن جميع استفساراتكم.
🔹 التعرف على مرض السيلياك. 🔹 كيفية اتباع الحمية الغذائية الخالية من الجلوتين. 🔹 الأطعمة المسموح بها والممنوعة. 🔹 إرشادات غذائية ونصائح عملية للحياة اليومية. 🔹 فرصة لطرح جميع أسئلتكم والحصول على إجابات من المختصين.

(رابط التسجيل في أول تعليق)

⚠️ الأماكن محدودة، وسيتم غلق التسجيل فور اكتمال العدد.
ننتظركم لنزرع الوعي... ونرسم مستقبلًا صحيًا وآمنًا لأطفالنا. 💚

يوم الاربع القادم 8/7/2026
من الساعة 10ل1
بمقر المجلس القومي للطفولة والأمومة بالجيزة

#السيلياك

🇪🇬🇪🇬🇪🇬🇪🇬🇪🇬 ✌️
مبرووووووك لينا يا #مصر 🥰🥰🥰🥰

"أنا بدأت الـ #دايت يوم الإثنين... وباظ يوم الأربعاء!"

كم مرّة قلت لنفسك: "المرّة دي هلتزم"... وبعد يومين أو ثلاثة كل حاجة ترجع زي الأول؟

المشكلة غالباً مش في الإرادة... المشكلة في العادات.

النتائج الكبيرة عمرها ما بتطلع من قرار واحد... بتطلع من أفعال صغيرة بتتكرر كل يوم.💪

✅ وجبة صحية بدل وجبة سريعة.
✅ كوب مياه زيادة .
✅ ٢٠ دقيقة مشي.
✅ ساعة نوم بدري.
✅ بروتين كفاية كل يوم.

يمكن كل عادة لوحدها شكلها بسيط... لكن لما تتكرّر أسبوع وراء أسبوع وشهر وراء شهر، جسمك بيبدأ يتغيّر.

وده اللي العلم بيأكّد عليه:
الجسم بيتأثّر بالسلوك المتكرّر أكتر بكتير من الحماس المؤقّت.

الاستمرارية هي اللي بتحسّن الوزن، وتنظّم سكر الدم، وتدعم صحّة القلب والكبد، وتقلّل احتمالية استرجاع الوزن.
ماتستناش الحماس أو الشغف... ابني عادة.
ومتستناش نتيجة بكرة... ابني نظام يخلّيك توصل للنتيجة وتعرف تحافظ عليها.

❤️ اسأل نفسك: إيه عادة صغيرة تقدر تبدأها من النهارده... وتلتزم بيها كل يوم؟

اذا فادك البوست شاركه مع حد تهمّك صحّته 💚

~ دُمتم أصحّاء ~ Bake off

#هيلثي #تغذية

الساعة ٢ بالليل…

أنت لسه صاحي، رغم إنك مرهق جداً دخلت السرير لكن مش عارف تنام.

تفتح الثلاجة… وتاخد أي حاجة حلوة أو قطعة شوكولاتة، وانت مستغرب تسأل نفسك:
"أنا مالي؟! أنا ملتزم بالأكل الصحي من فترة… ليه وزني ثابت؟ وليه نفسيتي تعبانة؟ وليه عندي رغبة غريبة في السكريات؟ طيب ليه مش قادر انام رغم اني مرهق من اليوم"

و الصبح…

تصحى وكأنك مانمتش أصلاً. حاسس بالتعب من أول اليوم. أي موقف بسيط يزعجك ويستفزّك. بطن منفـوخ وقولون شادد عليك مش قادر تاكل ومع ذلك قياساتك كلها ملخبطة.

لو حسيت أن قصة الشخص ده شبهك فـ تأكد إن المشكلة مش في قوة إرادتك، ولا لأن جسمك "عنيد".

ممكن يكون السبب هو ارتفاع … المعروف باسم .

🧠 علمياً…
لمّا بـ تتعرض لضغط نفسي مستمر، أو تنام ساعات قليلة، أو تتبع #دايت قاسي، أو عايش في حالة إرهاق دائم… جسمك بيفتكـر أنه في "حالة خطر".

فيبدأ في إفراز المزيد من الكورتيزول.

ومع ارتفاعه لفترات طويلة ده اللي بيحصل معاك: 👇

🔸 زيادة الشهية خصوصاً للسكريات والنشويات.
🔸 صعوبة حرق الدهون وتخزينها في منطقة البطن.
🔸 اضطراب النوم.
🔸 الشعور بالتعب والإرهاق.
🔸 تقلّبات المزاج والعصبية.
🔸 بطء نزول الوزن رغم الالتزام.

و انت تفتكر أن الحل تقلّل أكلك كمان… أو تعاقب نفسك بدايت أقسى!

الحل أنك تساعد جسمك على الخروج من حالة التوتر:

✅ نام من ٧ إلى ٩ ساعات يومياً و دوّر ازاي تثبّت مواعيدك.

✅ اوعى أبداً تهمل وجباتك و كل أكل متوازن فيه كل العناصر الغذائية اوعى تتبع نظام يحرمك من كل الحاجات اللي ربّنا خلقها كل الحكاية تقنّن الكميات.

✅ أخرج أمشي ، تطلع اتمشّى على البحر ، في حديقة أو اي مكان مفتوح و روح چيم.

✅ قلل الكافيين خاصة بالليل و قبل ميعاد نومك..

✅ خصص وقت للراحة والتنفس والهدوء.

والخبر الحلو؟ فيه أكلات وعناصر غذائية بتساعد جسمك يهدى ويحارب ارتفاع الكورتيزول 👇

🥑 الماغنسيوم من أهم المعادن اللي بتساعد على تهدئة الأعصاب وتحسين النوم. موجود في: 🌰 اللوز والجوز 🎃 بذور القرع 🥬 السبانخ والخضرة الورقية 🥑 الأڤوكادو

🐟 أوميجا 3 بتقلل الالتهابات وبتساعد جسمك يتعامل مع التوتر بشكل أفضل. موجودة في: 🐟 السلمون والسردين 🌱 بذور الشيا والكتان 🌰 الجوز

🍓 ڤيتامين C الجسم بيستهلكه بسرعة وقت التوتر، فلازم نعوضه. موجود في: 🥝 الكيوي 🍓 الفراولة 🍊 البرتقال 🫑 الفلفل الملون
🥚 البروتين الجيد بيساعد على ثبات السكر في الدم، وده يقلل من نوبات الجوع والتوتر. موجود في: 🥚 البيض 🍗 الدجاج 🐟 الأسماك 🥜 المكسرات

🌾 الكربوهيدرات المعقدة بتساعد على تحسين المزاج وتهدئة الجسم. زي: 🌾 الشوفان الخالي من الجلوتين 🍠 البطاطا 🥣 الكينوا

🍫 مضادات الأكسدة بتساعد الجسم يقاوم آثار التوتر المزمن. زي: 🫐 التوت 🍵 الشاي الأخضر 🍫 الشوكولاتة الدارك

❌ وفي المقابل… حاول تقلل: ☕ الكافيين الزائد 🍰 السكريات الكتير 😴 السهر 🍽️ الدايت القاسي والحرمان.

💚 🌿 افتكر دائماً…
مش كل زيادة وزن سببها إنك "بتاكل زيادة"… أحياناً جسمك محتاج يهدأ الأول.. محتاج راحة… و نوم… و هدوء خصوصاً في ظل الضغوطات اليومية اللي بنعيشها و حصـار السوشيال ميديا.

#رسالتي الأخيرة.. ارحم نفسك وارفق بها ! 🙏❤️

~ دُمتم أصحّاء ~ Bake off 🌿

#التوتر #سكري