Refaat Modern Engineering

تصميم و تنفيذ شقه بشارع عاطف السادات
" مكتب RME "

كتير بنشوف تصميم حلو جدًا و المصمم تعب جدًا فيه بس العميل رفضه او طلب عليه تعديلات كتير و الموضوع بياخد وقت و مجهود كبير و ساعات بيسبب ضيق و احباط للمصمم و التصميم بينتهي في الاخر انه بيبوظ من كتر التعديلات و فكرته بتضيع او بيتغير خالص لتصميم تاني

السبب في دة في اغلب الاحيان هو عدم وجود اتفاق و تقارب لوجهات النظر بين المصمم و العميل قبل بدئ مرحلة التصميم

في post دة هنتكلم عن مرحلة مهمة جدًا من مراحل التصميم وهي ال mood board

الmood board هي تاني مرحلة في التصميم ، لان اول مرحلة بتكون مقابلة العميل client meeting و بتعتمد ال mood board علي المقابلة دي بشكل كبير و بتكون زي conclusion لل meeting

اول حاجة لما المصمم بيقابل العميل بتتم مناقشة بعض النقاط، المناقشة دي بتساعد المصمم يفهم دماغ العميل بتفكر ازاي و ايه ذوقه و بالخبرة بيقدر المصمم يفهم العميل اسرع و يقدر اسرع يكون تصور للتصميم اللي يتلائم مع كل عميل

اول حاجة المصمم لازم يسمع العميل كويس جدًا علشان يفهم بالظبط طلباته و يديله وقت و مساحة يقول كل اللي بيفكر فيه و يبدأ ياخد notes

تاني حاجة بيبدأ المصمم يطرح علي العميل بعض الاسئلة علشان تساعده يفهم اكتر ذوق العميل لان مهمة المصمم هي عمل تصميم جميل بس يكون مريح و مرضي للعميل، لان مهما كان التصميم حلو بس مش متماشي مع ذوق العميل هيفضل العميل غير راضي و هيحس انه مش مرتاح و مش عاجبه التصميم

١- اول سؤال نحاول نعرف لو العميل شاف حاجة في مكان معين عجبته، السؤال دة مهم جدًا، اكيد احنا كمصممين مش هننقل تصميم تاني بس لما بنشوف صورة او حاجة العميل عجباه دة بيساعد كتيير جدًا اننا نفهم ذوقه و نعرف تفكيره رايح لفين ، زي مبيتقال كدة الصورة بتعبر احسن من الف كلمة
فلو مثلاً العميل معاه صورة من النت، و دة الشائع او من كتالوج او حاجة مصورها من مكان و عجبته،هنا المصمم يبدأ يناقشه فيها ايه اللي عاجبه في الصورة دي بالظبط ، لان ممكن يكون عاجبه لون معين او خامة معينة او الطراز او تفصيلة معينة مثلا في السقف ... فمهم جدًا نفهم هو عاجبه ايه من الصور اللي معاه مثلا علشان مناخدش inspiration من الصورة من حاجة مش عاجباه زي لون معين موجود في الصورة العميل مش عاجبه بس هو مثلا كان جايب الصورة علشان عاجبه خامة الارضية كمثال

٢-بنبدأ نسأل العميل لو بيعمل مثلا تجديد لمكان ايه الحاجات اللي حاببها في المكان و ايه الحاجات اللي عاوز يغيرها
او لو مكان جديد ايه الجاجات اللي حابب يعملها و الحاجات اللي مش حابب يعملها

٣-طريقة استخدام الفراغ
ازاي هو حابب يستخدم الفراغ دة علشان نبتدي نفهم هنوزع قطع الاثاث و نقسم الفراغ ازاي و مهم يكون العميل معاه plan للفراغ بتاعه لو بنتكلم عن تصميم داخلي علشان نتناقش عليه علي تقسيم الفراغ و توزيع الاثاث و القطع و مسارات الحركة هتكون ازاي و مصادر التهوية و اتجاه الشمس و الضوء ...

٤-الالوان و الخامات
نبدأ نعرف من العميل ايه الالوان اللي بيحبها و ايه اللي مش بتعجبه لان ساعات بيكون المصمم عامل تصميم حلو جدًا بس مثلا يغلب عليه اللون الاسود فطبعا العميل يشوف التصميم يتصدم و يقول لا انا مبحبش ابدًا اللون دة ، او ساعات مثلا بيكون في الوان موضة السنة دي فالمصمم حابب يستعملها زي مثلا الاصفر وبرضه يجي العميل يشوفها في التصميم فمتعجبوش ، و مفيش مشكلة لو عاوزين نقنع العميل بعد كدة بلون معين مكانش عاجبه علشان هيكون مناسب او هنستخدمه علي نطاق بسيط علشان نوازن مثلا الالوان في الفراغ بس ساعتها المصمم هيكون واعي ان ممكن دة يتقابل بالرفض من العميل و ان ممكن يطلب تغييره
فمهم جدا نتفق مع العميل علي color palette اللي هنشتغل بيها

كذلك برضه بالنسبة للخامات لازم نحدد مع العميل ايه الخامات اللي بيفضلها و ايه لا ،لان ساعات مثلا ممكن العميل يكون حابب الارضيات تكون رخام بس المصمم مثلا عملها خشب و العميل مش بيحب الارضيات الخشب و هكذا ، بس في النقطة دي مهم جدًا المصمم يناقش العميل في الخامات ايه هيكون مناسب للفراغ و هيتلائم مع الغرض اللي هيستخدم فيه الفراغ علشان ميتحطش خامات متكونش عملية مع الاستخدام لمجرد ان العميل بيفضلها ،
كمان لازم الخامات تكون متناسبة مع ميزانية العميل

٥-الميزانية
مهم جدا نعرف ميزانية العميل قد ايه، ساعات بيكون في عميل مش حابب يقول الميزانية بتاعته قد ايه علشان المصمم ميغليش عليه سعر التصميم او بيكون مثلا ميزانيته محدودة، فمهم المصمم يحاول ياخد من العميل range للميزانية علشان ميستخدمش مثلا خامات في التصميم تكون اكبر من الميزانية يضطر بعد كدة العميل يغيرها بحاجات ارخص شبيهة لها فيبوظ التصميم
او يجي بعد ما المصمم يخلص التصميم العميل يطلب تعديلات علشان الخامات دي هتكون غالية.
وحتي لو ميزانية العميل محدودة دة مش معناه ان التصميم هيكون مش حلو بالعكس دور المصمم هو عمل تصميم جميل و مبتكر باقل التكاليف، ساعات كتير بنشوف تصاميم معمولة باقل الامكانيات بس جميلة جدًا و مبتكرة و التصميم هادي و بسيط،
لكن المهم ان التصميم من البداية يكون معمول بناءً علي امكانيات العميل علشان ميفقدش رونقه و فكرته بسبب التعديلات

٦-الطراز اللي بيفضله العميل
في الغالب مش كل الناس عارفة الفروق بين طرازات التصميم و كتيير ناس بيختصروه فيmodern or classic
فالمصمم الاول يحاول يعرف العميل عاوز استايل حديث او قديم و بعد كدة المصمم يقترح عليه طراز معين مناسب للفراغ حسب اختيار العميل

٧- مهم نعرف لو العميل عنده هوايا معينة او في شئ استثنائي محتاجه يكون موجود في تكوين الفراغ او في طريقة استخدام الفراغ

٨-مهم نعرف مين هما مستخدمي الفراغ و الفئات العمرية و هل محتاجين نراعي اي احتياجات خاصة في الفراغ ، و دة هيكون فراغ عام اوخاص لان اجابات كل الاسئلة دي من العميل هتساعد جدًا في عمل تصميم ملائم للفراغ و هيكون واصل بصورة كبيرة لتوقع العميل و هيقلل التعديلات ، علشان مش بعد ما المصمم يخلص التصميم يكون العميل عنده استخدام معين محتاج يحققه فيعدل في التصميم و نحافظ علي ان فكرة التصميم متضيعش بسبب الغاء اجزاء او اضافة اجزاء للتصميم، فمهم من البداية كل حاجة يكون معمول حسابها في التصميم

٩-مهم كمان نعرف لو العميل في حاجات عنده هيعيد استخدمها او حاجات اشتراها علشان نعرف ازاي هنوظفها في التصميم و يكون ملائم ليها

١٠-الاضاءة
كمان لازم نعرف الاضاءة اللي العميل بيفضلها و الوانها و درجة دفئها و قوتها و المود اللي حابب يوصل له في الاخر في الفراغ و تأثير الاضاءة عليه مع مراعاه طبعا عدم تعارض دة مع standard الاضاءة اللي مفروض يلائم استخدام كل فراغ

بعد ما يحصل المصمم علي اجابات الاسئلة دي، بيكون قدر يكون تصور مبدئي لفكر العميل و بيبدأ يجي له تصور ازاي هيحول الفكر دة لتصميم و دة بيترجمه في الmood board

فبتكون ال mood board عبارة عن مجموعة من
١-اسكتشات بيحاول المصمم يشرح من خلالها للعميل تصور معين او لو هيصمم حاجة بشكل معين customized للتصميم دة
٢-صور بيجمعها المصمم فيها تفاصيل لعناصر معينة هيستخدمها elements و mood معين بيحاول يكونه و concepts بيستوحي منها افكاره
Color palette and material board ٣-اللي هيكون فيها تصور مبدئي للالوان و الخامات اللي هتغلب علي التصميم

٤-كمان ممكن تشمل تصور لتوزيع الفراغ علي الplan مع قطع الاثاث

اهمية ال mood board
انها بتقلل حدوث اي سوء تفاهم بين العميل و المصمم لان المصمم بطبيعة عمله خياله خصب و يقدر بالكلام يكون تصور معين لكن العميل ممكن ميقدرش يتخيل اوي بالكلام التصميم اللي المصمم يقصده ، وفي بعض الاحيان بيكون المصمم فهم قصد العميل بشكل خاطئ ، ففي الظاهر بيبان انهم اتفقوا علي شي ما لكن في الواقع كل واحد في باله تصور مختلف عن التاني و دة في الغالب اللي بيعمل سوء تفاهم ، و علشان كدة ال mood board تعتبر مهمة جدًا في بداية التصميم لانها بتكون مرجع لجميع الاطراف اثناء التصميم ، و بتوفر بعد كدة وقت و مجهود كبير بسبب التعديلات و بتحافظ علي design concept

و بتساعد العميل يكون تصور للتصميم النهائي اللي هيشوفه

مهم جدًا ان قبل المصمم ما يبدأ في التصميم ، ان mood board تكون approved من العميل لان اي تعديل عليها بيكون سهل لكن التعديل علي التصميم بيكون صعب و متعب
كمان لو المصمم محتاج يقدم للعميل كذا مقترح هيكون سهل يقدم للعميل كذا mood board

دي امثلة لل mood board كمان هتلاقوا نماذج كتيير لmood board علي Pinterest و google و في مواقع كتيير كمان بتشرح ازاي نعمل mood board بشكل professional.

يا ريت تشاركونا رأيكم ازاي ال mood board بتفرق معاكم في التصميم.

From design to reality...... 👌
Design is not just what it looks like and feels like, Design is how it works.
من تصميم شركة RME ...مكتب بمساكن الشيراتون بجوار المطار -القاهرة