Mohammed Abbas Interior Design

"الريسيبشن مستحيل ياخد 3 قطع".. دي كانت أول كلمة العميل قالها لما استلمنا الشقة على الطوب. المساحة كانت صغيرة، والحل السهل المعتاد كان إننا نفصل الليفينج في أوضة لوحده عشان نتفادى الزحمة.
بس إحنا كان لينا وجهة نظر تانية وصممنا إن الريسيبشن يفضل 3 قطع عشان يدي وسع للمكان. التحدي هنا كان إزاي نعمل ده من غير ما نخنق المساحة ونحافظ على الشياكة في نفس الوقت.
اللعبة كلها كانت في الفواصل البصرية. عملنا بارتشن استانلس وطعمناه بالخشب والمرايات عشان يفصل بين الركنة والشاشة بشكل شيك، ومتحسش إنه حاجة غريبة عن الفرش، وده إدى إحساس مضاعف بالوسع. ديكور الشاشة كمان عملناه بدهانات الرومانو من جوتن، فخامة وهدوء عشان العين ترتاح وميبقاش في تشتيت وإنت بتتفرج.
نيجي بقى للحمام اللي كان تحدي لوحده. العميل كان طالب نوظف (غسالة، سخان عادي، حوض بوحدة خشب، قاعدة معلقة ديورافيت حجم كبير، وبانيو 75 سم) وكل ده في مساحة محدودة جدا!
عملنا التعديل المعماري اللي يخدمنا، واخترنا بورسيلين إسباني مط بلون واحد، مع جزء خشب ضاف دفء للمكان، وكملنا الشغل ببارتشن أسود وإكسسوارات وخلاطات سوداء، والنتيجة طلعت تحفة زي ما هتشوفوا في الصور.
بالنسبة لأوضة الماستر، كبرنا المساحة ووسعنا باب البلكونة عشان ندخل أكبر نسبة إضاءة وتهوية طبيعية، وركبنا شاتر للخصوصية، مع ديكور بسيط جدا وشيك يريح الأعصاب.
في النهاية البساطة دايما بتكسب. الشقة مليانة تفاصيل وتوزيع إنارة مظبوط لكل فراغ، بس في نفس الوقت مريحة للعين. إحنا مش مجرد بنعمل شكل ديكور حلو، إحنا بنهتم بالتفاصيل اللي تخلي المكان يناسب أسلوب حياتك ويريحك فعلا.
للتواصل وتحديد موعد للمعاينة:
تليفون أو واتساب: 01094425299
العنوان: السلام 1 شارع عمر بن الخطاب ، السويس.