Salma Rashwan official

بقالي شهر بقول الجمله دي !!؟❌

لو مش دلوقتي هيبقي امتي 😎

لحد ما قررت اني اخد القرار دلوقتي

🖥️❌هبعد عن السوشال ميديا ،بالرغم ان شغلي بيتأثر بس هو ده الحل

السنه اللي فاتت أخذت نفس القرار ودايما بييجي بعد رمضان سبحان الله
لان بحس ان بيضاف لهويتي حاجه جديده وافكار ومشاعر مختلفه فا من الطبيعي احس بالقريفه لو هفضل ماشيه ماشيه من غير ما اقف واشوف ايه اللي بيحصل ؟ ايه اللي أتغير؟ ايه متطلبات المرحله دي من حياتي؟
ولان القريفه دي ممتده لحياتي الشخصيه وحاسه كده اني بتجهز لشي جديد مش عارفه ايه هو 🤔

فا قرار التخليه والبعد عن اي بيئه بتستنزف طاقتي بقي قرار لابد منه دلوقتي
حقيقي أنا لا يليق بيا السرعه والفرهدة وعبودية الأرقام والتشتت
I’m not okay وانا شايفه اني مسحوله ذهنيا في صناعة المحتوي
وإدارة كل المنصات فقط وناسيه الجوانب التانيه
وعدم الاتزان ده خلاني أقصر
قراءتي للكتب قلت ،دراسة مواد العلوم الشرعية مبقاش فيها جوده ،شغل متأجل وغيره
وده بسبب دوامة 🌀 النجاح علي السوشال ميديا اللي بتخلينا ننسي نعيش حياتنا

😎فا اول لما بتظهرلي العلامات دي بقرر افصل نفسي عن مصدر الإزعاج رغم الضرر اللي بيحصل لصفحاتي بس بما اني اولا وصحتي النفسيه والذهنيه مهمه فا باخد القرار بكل أريحيه واقتناع

🖥️أنا هبقي موجوده فقط علي يوتيوب لأنه مش بيسببلي حالة الضغط الموجوده في باقي المنصات ومش بيسببلي استنزاف لطاقتي ووقتي
بينزل فيديو مرره في الاسبوع
وهبقي موجوده للاستشارات الأون لاين اللينك في البايو

🕶️مش عارفه المده لحد ايه بس ان شاءالله تبقي اجازه سعيده وأقدر اشحن البطاريه كويس 😊

🪴✨حياتنا تستحق تتعاش …واحنا جوة مكنة المنصات مش عايشين
حتي لو شغلك اون لاين تستحقي هدنه وبريك لنفسك تعيدي تاني التوازن جواكي تصفي ذهنك وتشحزي المنشار 😉 علي رأي ستيفن كوفي وترجعي تاني من جديد قوية ،ذهنك حاضر ،روحك هاديه وبتعبدي الله فقط مش اي حاجه تاني 📲

🙏🏻دعواتكم بقي لان عندي شغل كتير متأخر ودراسة متأجلة
لو هيوحشكم المحتوي هتلاقوني علي يوتيوب 🫰

⚡️مين هيتحدي نفسه ويفصل شويه عن اي مصدر عامله ازعاج وضغط نفسي

Social media detox 💪