Rax Studio

على فكرة انت ملزم تاخد بالك من ال 20 حاجة دي وانت بتشطب شقتك 👀

1. لو عملت تصميم قبل ما تبدأ تنفيذ، هتوفر على نفسك وقت ومجهود كبير.

2.المطبخ أهم مكان في الشقة، بلاش تضيق مساحته.

3. مش لازم تجيب نيش، أي حاجة تانية هتستخدمها أهم.

4. شقتك لو ضيقة متعملش حمام ضيوف ووسع على نفسك.. كدا كدا مفيش ضيوف ولا حاجة.

5. سيراميك الجوهرة أفضل من كليوبترا بمراحل.

6. الشباك الجرار بيساعدك تفرش الفراغ بسهوله على عكس الشباك المفصلي، لكن بيقلل من الإضاءة والتهوية.

7. لو اختارت أبواب خشب كويسة وغالية شوية مش هتندم عليها.

8. أكتر حاجه هتخلى شقتك شيك هى توزيع الإضاءة صح.

9. ممكن تأسس لكل التكييفات في مرحلة التأسيس حتى لو مش هتشتري تكييفات دلوقتي.

10. الدهان الربع لمعة اشيك من المط واللامع.

11. مفيش أحلى من الدهانات السادة بس اختار الألوان صح.

12. أي حاجة مط بيبان عليها تراب.

13. الغالي تمنه فيه لو بتشتري أوكر الأبواب والخلاطات ونواكل السباكة.

14. ألوان الحوائط والارضيات والسجاد والفرش والاكسسورات.. الخ، كل دي حاجات ليها علاقه ببعض ولازم تنسقها صح عشان متحسش إن فى حاجة غلط في الشقة.

15. ممكن تعمل سيراميك فرز تاني أو تالت ورا الوحدات بتاعت المطبخ، كدا كدا مبيكونش باين.

16. رخامة المطبخ هاتها جرانيت مش رخام.

17. لو عايز توفر في تشطيب شقتك متستخدمش جيبسوم بورد في السقف إلا للضرورة.

18. تستلم شقتك طوب أحمر أحسن ما تستلمها نص تشطيب.

19. بلاش تختار سيراميك حوائط مقاساته كبيرة لو حابب توفر، لان طريقة تركيبه مكلفة.

20. مش لازم تعمل زى الناس، انت حر.

ابواب غرف من احدث تسليماتنا
بكمبوند جرين هيلز