Abdu nasir

አስቸጋሪ ጊዜያት እና ቀልዶች (ኮሮና የመጣ ጊዜ የተቀለዱ)
=====================================
በአስቸጋሪ ጊዜያት ቀልዶች እንደ ስነ ልቦናዊ የህመም ማስታገሻ
ያገለግላሉ። በሁለተኛው የአለም ጦርነት ወቅት አይሁዳውያን
ብዙ ቀልዶች እየፈጠሩ አስጨናቂውን ጊዜ ቀለል እንዲል
ለማድረግ ይሞክሩ ነበር። አንዷን እነሆ፦
አንድ አይሁድ 'አዋቂ' ጋር ይሄድና ጀርመኖች መቼ እንደሚሸነፉ
ይጠይቃል። 'አዋቂውም' በአንድ የአይሁድ አመት በአል እንደሆነ
ይነግረዋል። አይሁዱም "የትኛው አመት በአል?" ብሎ ሌላ
ጥያቄ ያሰከትላል። አዋቂውም "መቼም ቀን ጀርመኖች ይሸነፉ፤
ያን ቀን ለአይሁዶች አመት በአል ነው።" ብሎ መለሰለት።
ሲግመን ፍሮይድ Jokes and their Relations to the
Unconscious በሚለው መፅሀፉ ላይ አስቸጋሪ ነገሮች ላይ
ስንቀልድ ከአቅማችን በላይ የሆኑ ነገሮችን በትንሹም ቢሆን
የመቆጣጠር ስሜት እንዲሰማን ያደርጉናል ብሏል። "...it is
striking back or taking control. It is a poor
substitute but it may be all that is available...
ለማንኛውም ጥቂት የኮሮና ቀልዶች፦
1)ሰዎች በፊት ጉንፋን ሲይዛቸው "አሞኛል፤ ከቤት መውጣት
አልፈልግም። ጥቅል...ል ብዬ ተኝቼ ነው የምውለው።"
ኮሮና የያዛቸው ሰዎች "አሞኛል ግን ቤት መዋል ስለሚደብር
ሀይገር ተሳፍሬ፣ ስታዲየም ገብቼ ኳስ አይቼ፣ ዕድር ደረስ ብዬ፣
እግረ መንገዴን ሰላማዊ ሰልፍ ላይ ተሳትፌ ብመጣ ደስ
ይለኛል።
2) አሜሪካ ኮሮና ሲመጣ ብዙ ሶፍት ገዝተው ሶፍት ከገበያ ላይ
እንዲጠፋ ያደረጉት ሰዎች መኪና በከፍተኛ ፍጥነት ይነዱ የነበሩ
ሰዎች እንደሆኑ በጥናት ተረጋግጧል።
3) ጭንቀት በተሰማኝ ቁጥር ጭንቀቱን ለመቀነስ ጥቂት
ኪሎሜትሮች ሮጣለሁ። አሁን አርበጉና ደርሻለሁ። ወደ ቤቴ
እንዳልመለስ 'ትራንስፖርት' የለም።
4) ቤት ለመቀመጥ ተቸግረዋል? እንግዲያውስ ቅንድብዎን
ይላጩ።
5) አሁን ሁሉም ሰው እጁን እየታጠበ ስለሆነ መንገድ ላይ
የሚሸጠው ቆሎ ጣእሙ ጠፍቷል።
ያለ አእምሮ ጤና፤ ጤና የለም!!
ዶ/ር ዮናስ ላቀው