Monera mitiku

Mata_dureen
✓✓✓ jedhuun dhufaa jira

" 'aa"_(Jireenya_injifannoo) jiraachuun fedha Waaqayyoo isa guddaadha. Akka barsiisa Macaafa Qulqulluutti, jireenyi mo’aan jireenya abboommii Waaqayyoo keessa deddeebi’an, humna Hafuura Qulqulluun gaggeeffamanii fi rakkoolee addunyaa kanaa kumni dhufullee amantiin mo'aniidha.
Qabxiilee ijoo jireenya mo'aa jiraachuuf nu gargaaran luqisiiwwan kanaan wal qabsiisnee haa ilaallu:
1. Injifannoon Amantiin Dhufa
Addunyaa kana mo’uuf humni nu barbaachisu inni guddaan amantii qabaachuudha. Akka Yesus Kristos mo’e nutis isatti amanuudhaan mo’attoota taana.
"Egaa addunyaa kan mo’u eenyu? Isuma Yesus ilma Waaqayyoo ta’uu isaa amanu sana mitii ree?" (1 Yohannis 5:5)
2. Humna Nuu Kennuun Mo’uu
Jireenya mo’aa jiraachuuf humna keenya qofatti hin amanamnu. Kristos humna nuu ta’a. Rakkoon, muddamni ykn qorumsi yoo dhufe injifannoo guutuu kan argannu karaa isa nu jaallateeti.
"Nuyi garuu kanaan hundumaatti isa nu jaallateen mo’icha guddaa ni arganna." (Roomaa 8:37)
3. Hafuuraan Gaggeeffamuu
Jireenyi mo’aan foon keenyaaf yeroo mo’icha kenninu qofa utuu hin taane, foon keenya Hafuuraan yeroo mo’anidha. Fedha foonii mo’uun jireenya qulqullummaa jiraachuudha.
"Hafuuraan deddeebi'aa, kajeellaa foonii immoo gonkumaa hin raawwatinaa nan jedha." (Galaatiyaa 5:16)
4. Meeshaa Waraana Waaqayyoo Uffachuu
Addunyaa kana irratti lola hafuuraa keessa jirra. Mo’ichaaf qophaa’uuf meeshaa waraana hafuuraa uffachuun barbaachisaadha.
"Hamaa jalaa of oolchuuf meeshaa waraanaa kan Waaqayyoo hundumaa uffadhaa." (Efesoon 6:13)
Walumaa Galatti:
Jireenyi mo'aan:
Cubbuu irratti mo'icha qabaachuu.
Yaaddoo fi sodaa irratti mo'icha qabaachuu.
Hamaa hundumaa gaariidhaan mo’uudha.
Waaqayyo jireenya mo’aa akkasiitti nu waameera. Inni nuu wajjin jira, nu gargaaras!